ՎիվաՍել-ՄՏՍ ընկերությունն Ադրբեջանի հետ 28 կմ երկարությամբ սահման ունեցող Գեղարքունիքի մարզի Վահան գյուղի 171 աշակերտ ունեցող միջնակարգ դպրոցին մեկ տարի անվճար օգտագործման իրավունքով տրամադրել է 3G Wi-Fi երթուղիչ` «ՄՏՍ կոնեկտ սահմանափակ» հատուկ ինտերնետ փաթեթով:
Տրամադրված փաթեթի շնորհիվ ծնողներն ու ուսուցիչները կարող են վերահսկել աշակերտների կողմից դիտվող կայքերը՝ սահմանափակելով մուտքն իրենց համար չնախատեսված էջեր:
Բացի այդ, ՎիվաՍել-ՄՏՍ ընկերության հաշվապահության եւ ֆինանսների վարչության աշխատակիցների անձնական ներդրման արդյունքում հավաքված շուրջ 2 մլն դրամով դպրոցի շենքում կառուցվել է սանհանգույց:
ՎիվաՍել-ՄՏՍ ընկերությունը 2008 թվականին Վահան գյուղին աջակցություն է ցուցաբերել գազատարի կառուցման հարցում:
10:33 | 18.09.24 | Հոդվածներ
Ucom-ը ներսից. Երեւակայությունը, շուկայի զարկերակն ու պրոդուկտների թիմը