ՎիվաՍել-ՄՏՍ-ը ուսանողների համար կազմակերպել էր եռօրյա տեխնիկական դպրոց

Երեւան/Մեդիամաքս/. Դեկտեմբերի 5-ից 7-ը ՎիվաՍել-ՄՏՍ-ը Երեւանի եւ մարզերի 27 ուսանողների համար կազմակերպել էր եռօրյա դասընթաց`ռադիո հասանելիության ցանցերի եւ փոխմիացման ենթահամակարգերի, տեղանքների շահագործման եւ սպասարկման թեմաներով:

Դպրոցի առաջին օրը նվիրված էր ռադիո հասանելիության ցանցերին եւ փոխմիացման ենթահամակարգերին: Ուսանողները ծանոթացան բջջային (GSM), ռադիո հասանելիության ցանցերի (RAN), ինչպես նաեւ տնային ռեգիստրի (HLR) եւ շարժական կապի համակցման կենտրոնի (MSC) տեխնոլոգիաների պատմությանը:

Հաջորդ երկու օրվա ընթացքում ուսանողներին ներկայացվեցին տեղանքների շահագործման եւ սպասարկման առանձնահատկությունները: Ուսանողները նաեւ այցելեցին մոտակա բազային կայան:

Դասընթացի ավարտին ուսանողներին շնորհվեցին ավարտական վկայականներ:

Տեխնիկական դպրոցը կազմակերպվել էր ՎիվաՍել-ՄՏՍ-ի կարիերայի զարգացման ծրագրի շրջանակում: