ՎիվաՍել-ՄՏՍ-ի ցանցում գործարկվել է ներքին տիրույթային (L-Root) DNS-սերվեր

ՎիվաՍել-ՄՏՍ-ի ցանցում գործարկվել է ներքին տիրույթային (L-Root) DNS-սերվեր:

Դրա արդյունքում ընկերության ինտերնետ-բաժանորդները դոմեն անվանումների տիրույթում որոնման արդյունավետության զգալի առավելություն են ձեռք բերել, հայտնել են ընկերությունում:

Հայկական ինտերնետ թրաֆիկի փախանակման Արմիքս (ARMIX) կազմակերպությանն անդամակցելու շնորհիվ ՎիվաՍել-ՄՏՍ-ը ձեռք է բերել այս համակարգից օգտվելու հնարավորություն:

L-Root սերվերները պարունակում են վերին մակարդակի դոմենային անուններ, ինչպիսիք են` «.com», «.org», «.net», եւ «.info»:

Ինտերնետ ներքին տիրույթային սերվերի առկայությունը ինտերնետից օգտվողներին ընձեռում է մի քանի առավելություն: Մասնավորապես, այն հնարավորություն է տալիս մոտ տասն անգամ արագացնել DNS հարցումներին արձագանքումը` բարձրացնելով ծառայության արագությունն ու կայունությունը թե լոկալ
հատվածում, եւ թե ամբողջ երկրի տարածքում:

Համացանցից օգտվողներին ընձեռված հիմնական առավելությունն այն է, որ դոմենային անվանումների որոնումը կարող է շարունակվել անգամ այն դեպքում, երբ միջազգային միացումն ընդհատվում է:

«Սա կարեւոր եւ շրջադարձային իրադարձություն է եւ ՎիվաՍել-ՄՏՍ-ի, եւ, առհասարակ, Հայաստանի համար` ինտերնետ համացանցային ծառայությունների մատուցման որակի բարձրացման առումով: Այս սերվերի շահագործումը համահունչ է Հայաստանում գիտելիքահեն տնտեսության ստեղծմանը նպաստելու ՎիվաՍել-
ՄՏՍ-ի ռազմավարությանը», - նշել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:

Ներկայումս աշխարհում կա 13 խմբի դասակարգված շուրջ 240 տիրույթային սերվերի «պատճեն»: