Երեւան/Մեդիամաքս/. Քալիֆոռնիայի դաշնային դատարանը վճռել է, որ հարավկորեական Samsung-ը խախտել է Apple-ի մի շարք պատենտներ եւ պարտադրել է վճարել ամերիկյան մրցակցին $1,05 մլրդ-ի փոխհատուցում, հայտնում է Reuters-ը:
Դատարանը որոշել է, որ մի շարք պրոդուկտներ նախագծելիս Samsung-ն ապօրինի օգտագործել է Apple-ի տեխնոլոգիաները. դրանցից են «bounce-back» ֆունկցիան (նկարը հետ է շարժվում, երբ օգտագործողը հասնում է նրա վերջին) եւ «pinch-to-zoom»-ը (երբ երկու մատերի շարժումներով կարելի է խոշորացնել պատկերը): Դատարանը նաեւ կայացրել է, որ Samsung-ը միտումնավոր կրկնօրինակել է իր սարքերի դիզայնը iPhone-ից եւ iPad-ից: Apple-ի կողմից խախտումներ դատարանը չի հայտնաբերել:
Samsung-ի ներկայացուցիչները հայտնել են, որ դատարանի վճիռը կհարվածի ինչպես հարավկորեական ընկերությանը, այնպես էլ ամերիկյան սպառողին, քանի որ սարքերի տեսականին այնտեղ կնվազի, իսկ գները՝ կաճեն:
Փորձագետները նշում են, որ դատավճիռը մեծ հաջողություն է Apple-ի համար եւ հիմք է տալիս նրան դատվելու Android-ի բազայի վրա աշխատող սմարթֆոնների այլ արտադրողների հետ:
Դատավճռից անմիջապես հետո Apple-ի ներկայացուցիչները հայտնել են, որ նոր գործ են պատրաստում հարավկորեական ընկերության դեմ՝ մտադրվելով կանխել Galaxy սպարթֆոնների եւ Galaxy Tab պլանշետների վաճառքը ԱՄՆ-ում:
Apple-ի եւ Samsung-ի փոխադարձ մեղադրանքների մասին կարդացեք այստեղ:
16:04 | 24.08.12 |
Նորություններ
Orange-ն աջակցում է կանանց ձեռներեցության զարգացմանը
11:05 | 24.08.12 |
Նորություններ
Microsoft-ը փոխել է իր ապրանքանշանը
