16:46 | 11.05.12 | Նորություններ | 3140
Երեւան/Մեդիամաքս/. ԱրմենՏել ընկերությունն (ապրանքանիշը Beeline) աջակցել է «Կանգ առ ակնթարթ, դու գեղեցիկ ես» խորագրով լուսանկարչական մրցույթ-ցուցահանդեսի անցկացմանը, որի կազմակերպիչն է «Մշակույթ» հասարակական կազմակերպությունը:
Մրցույթ-ցուցահանդեսին մասնակցել են շուրջ 50 երիտասարդ լուսանկարիչներ, որոնք մարտի ընթացքում լուսանկարում էին խորագրին համապատասխան` մշակութային կոթողներ, գեղեցիկ ակնթարթներ, կենդանիներ և ներկայացնում մեկ հաջողված լուսանկար:
Այսօր Երևանի Պետական Համալսարանի կենտրոնական մասնաշենքում տեղի ունեցավ ցուցահանդեսը և պարգևատրման արարողությունը:
1-ին տեղը զբաղեցրեց Հայ-ռուսական (Սլավոնական) համալսարանի ուսանող Մարիա Պապյանը, ով արժանացավ հայտնի լուսանկարիչ և օպերատոր Ալբերտ Յավուրյանի անվան առաջին մրցանակին, 2-րդ տեղը զբաղեցրեց Վահրամ Մոսինյանը և 3-րդը` Գևորգ Ղոսալմյանը:
«ԱրմենՏել» ընկերության և «Մշակույթ» հասարակական կազմակերպության կողմից յոթ երիտասարդներ պարգևատրվեցին պատվոգրերով և մրցանակներով: Բոլոր մասնակիցները ստացան խրախուսական պարգևներ «ԱրմենՏել» ընկերության կողմից:
10:33 | 18.09.24 | Հոդվածներ
Ucom-ը ներսից. Երեւակայությունը, շուկայի զարկերակն ու պրոդուկտների թիմը