Լիբանանի նախագահը շքանշանով պարգեւատրեց “ՎիվաՍել-ՄՏՍ”-ի գլխավոր տնօրենին

Երեւան/Մեդիամաքս/. Լիբանանի նախագահ Միշել Սուլեյմանն “ՎիվաՍել-ՄՏՍ” ընկերության գլխավոր տնօրեն Ռալֆ Յիրիկյանին պարգեւատրել է  “Լիբանանի Հանրապետության Նախագահական զրահ” շքանշանով:

Ինչպես Մեդիամաքս-ին հայտնեցին “ՎիվաՍել-ՄՏՍ”-ի մամուլի ծառայությունում, շքանշանը շնորհվել է «գործարարության ու գործարար կառավարման բնագավառներում արձանագրած բացառիկ հաջողությունների, կառավարման նոր մշակույթ ներդնելու և զարգացնելու գործում ունեցած նշանակալի ավանդի, Լիբանան-Հայաստան բարեկամական հարաբերությունների ամրապնդման գործին բերած մասնակցության, ինչպես նաև Հայաստանում լիբանանյան համայնքին մատուցած ծառայությունների համար»: