Երեւան/Մեդիամաքս/. «ԱրմենՏել» ընկերությունը (Beeline ապրանքանիշ) սկսեց վաճառել բրենդավորված հեռախոսներ 1 դրամով:
Ինչպես Մեդիամաքս-ին հայտնել են ընկերության մամուլի ծառայությունում, 1 դրամով ZTE-G S319 եւ ZTE-G S315 բրենդավորված բջջային հեռախոսներ կարող են ձեռք բերել «Քեզ համար Էքսկլյուզիվ» կանխավճարային սակագնային փաթեթի բաժանորդները: Առաջարկից կարող են օգտվել նաեւ մարզային կանխավճարային սակագնային փաթեթների բաժանորդները` 3000 դրամով հաշիվը լիցքավորելու դեպքում:
«Ազատ շփում» կանխավճարային սակագնային փաթեթին միանալիս բաժանորդը կստանա հեռախոս 1 դրամով` վճարելով միայն սակագնային փաթեթի արժեքը:
Հեռախոսը նախատեսված է այն մարդկանց համար, ովքեր գերադասում են հիմնական գործառույթների առկայություն եւ մատչելի գին: Հեռախոսներն աշխատում են միայն Beeline բջջային ցանցի քարտերով եւ վաճառվում են վաճառքի եւ սպասարկման գրասենյակներում: Հեռախոսների մեծ պահանջարկով պայմանավորված` յուրաքանչյուր բաժանորդ կարող է ձեռք բերել միայն մեկ հեռախոս:
Առաջարկը չի վերաբերում այն բաժանորդներին, ովքեր ձեռք են բերել Beeline բրենդավորված հեռախոս նախկինում հայտարարված ակցիայի շրջանակում:
