«ՎիվաՍել-ՄՏՍ»-ի հաջողության հիմնական գրավականներից մեկը բարոյականության սկզբունքների վրա հիմնված արժեքային համակարգն է

Երեւան /Մեդիամաքս/. «ՎիվաՍել-ՄՏՍ» բջջային օպերատորի հաջողության գաղտնիքներից մեկը բարոյականության սկզբունքների վրա հիմնված արժեքային համակարգն է:

Ինչպես ՄԵԴԻԱՄԱՔՍ-ին հայտնել են ընկերության մամուլի ծառայությունում, «ՎիվաՍել-ՄՏՍ»-ի գլխավոր տնօրեն Ռալֆ Յիրիկյանն այդ մասին ասել է «Եվրասիա» միջազգային համալսարանի ուսանողների հետ հանդիպման ընթացքում:

«Հաջողության հասնելը պահանջում է որոշակի հմտությունների զարգացում եւ հետեւողականություն: Նրանք, ովքեր ղեկավարվում են բարոյականության սկզբունքների վրա հիմնված արժեքային համակարգով եւ հաջողության են հասնում համատեղ ջանքերով, ունենում են ամենամեծ շահույթը: Դրանում է թաքնված մեր հաջողության գաղտնիքը»,- ասել է Ռալֆ Յիրիկյանը: