Երեւան /Մեդիամաքս/. ՀՀ Հանրային ծառայությունները կարգավորող հանձնաժողովը /ՀԾԿՀ/ մասամբ բավարարել է GSM ցանցի ծածկույթի ընդլայնման նպատակով ռադիոհաճախականությունների տրամադրման վերաբերյալ “Ղ-Տելեկոմ” (VivaCell-MTS ապրանքանիշ) ընկերության հայտը:
Ինչպես այսօր հայտնել է հանձնաժողովի հեռահաղորդակցության վարչության պետ Գեւորգ Գեւորգյանը, ընկերության հայտը ՀԾԿՀ-ն չի կարող բավարարել ամբողջությամբ, քանի որ որոշ հաճախականություններ կոչված են սպասարկելու կառավարական կառույցները:
Նա նշել է, որ ՀԾԿՀ-ն դիմել է ՀՀ տրանսպորտի եւ կապի նախարարությանը` ռադիոհաճախականությունների ցուցակը վերանայելու եւ “Ղ-Տելեկոմի” կողմից նշված ռադիոհաճախականությունների ազատման հնարավորությունը ուսումնասիրելու առաջարկով:
