SpaceX-ն առաջին անգամ արձակել է Starfall-ի ցուցադրական պարկուճը

SpaceX ընկերությունը առաջին անգամ արձակել է Starfall-ի ցուցադրական պարկուճը, որը նաատեսված է տիեզերք բեռներ հասցնելու եւ նյութեր Երկիր վերադարձնելու համար։

Ընկերությունը հույս ունի մուտք գործել տիեզերքում արտադրության պոտենցիալ շահութաբեր ոլորտ, նշում է Gizmodo-ն։
Starfall-ը մոտավորապես 3.1 մետր տրամագծով է, 0.75 մետր բարձրությամբ պարկուճ է, որը կշռում է 2.1 տոննա եւ ունի մինչեւ 1 տոննա բեռնատարողություն։

2026 թվականի հունիսի 23-ին Ֆլորիդա նահանգի Կանավերալ հրվանդանից արձակվել է Falcon 9 հրթիռ՝ Starfall-ը ցածր Երկրի ուղեծիր ուղարկելու համար։ Բաժանվելուց հետո առաջին աստիճանը վայրէջք է կատարել Ատլանտյան օվկիանոսում գտնվող լողացող հարթակի վրա։

Ինչպես հաղորդում է Space.com-ը, ընկերությունը չի նշել, թե որքան ժամանակ պարկուճը կմնա ուղեծրում։ Այնուհետեւ այն կընկնի Խաղաղ օվկիանոսում։ Ընկերության տվյալներով՝ առաքելության նպատակն է ցուցադրել մի տրանսպորտային միջոց, որը հնարավորություն կտա մուտք գործել միկրոգրավիտացիոն միջավայր՝ տիեզերքում գիտական հետազոտությունների եւ արտադրության համար։ ԱՄՆ Դաշնային ավիացիոն վարչությունը մինչ այժմ հաստատել է Starfall պարկուճի երկու վայրէջք Խաղաղ օվկիանոսում, հաղորդում է Gizmodo-ն։

Starfall-ի գործարկմամբ ընկերությունը հույս ունի մուտք գործել պոտենցիալ շահութաբեր ոլորտ։ Varda Space Industries-ն արդեն աշխատում է այս ոլորտում՝ 2026 թվականի մայիսին պայմանագիր կնքելով United Therapeutics Corporation դեղագործական ընկերության հետ։ Նրանք պլանավորում են ուսումնասիրել միկրոգրավիտացիայի օգտագործումը հազվագյուտ թոքային հիվանդությունների բուժման համար բարելավված դեղամիջոցների մշակման գործում։