SADA-ն ստացել է Google Cloud-ի Տարվա համաշխարհային գործընկերոջ մրցանակը

Բիզնեսի եւ տեխնոլոգիաների առաջատար խորհրդատու եւ Google Cloud-ի մի շարք պրոդուկտների եւ ներգրավվածության մոդելների Premier մակարդակի մրցանակակիր գործընկեր SADA, An Insight company-ն ստացել է Google Cloud-ի 2025 թվականի Տարվա համաշխարհային գործընկերոջ մրցանակը` Google Workspace-ի համար:

SADA-ն պարգեւատրվել է Google Cloud էկոհամակարգում իր ձեռքբերումների համար` հաշվի առնելով, որ ընկերությունն օգնում է տարբեր ոլորտների համատեղ հաճախորդներին հասնել զգալի արդյունքների՝ Workspace-ի հաջող տեղակայման միջոցով` կենտրոնանալով աշխատանքի վերափոխման եւ AI-ի ներդրման վրա:

«Google Workspace-ի ներդրման մեջ SADA-ի զգալի փորձը՝ փոփոխությունների հաջող կառավարման եւ հաճախորդների գոհունակության վրա կենտրոնացած լինելու հետ միասին, հնարավորություն է տվել բարելավել կորպորատիվ հաճախորդների արտադրողականությունը եւ համագործակցությունը աշխատավայրում»,- նշել է Google Cloud-ի Գլոբալ գործընկերների էկոհամակարգի գծով նախագահ Քեւին Իչպուրանին:

«Սա Google Cloud-ի կողմից Տարվա գործընկերոջ 8-րդ անընդմեջ մրցանակն է, ինչը մեզ համար մեծ պատիվ եւ ձեռքբերում է, որին մենք շատ լուրջ ենք վերաբերվում։ Սա մեզ ավելի շատ է ոգեւորում հաճախորդներին բացառիկ ծառայություններ մատուցել եւ Google Workspace-ի միջոցով հասնել ավելի մեծ արդյունքների»,- նշել է SADA-ի գլխավոր գործադիր տնօրեն Դանա Բերգը:

2024-ին SADA-ն գործարկել է Gemini Adoption ծրագիրը, որը հանգեցրել է զգալի թվով հաջողված Gemini նախագծերի՝ իր հաճախորդներին օգնելով հաջողությամբ եւ ապահով կերպով օգտագործել Google Workspace-ի կողմից առաջարկվող AI-ի ամբողջական հնարավորությունները: Իրականացման գործընթացն արագացնելու համար SADA-ն մշակել է ձեռնարկների եւ եզակի ուսումնական նյութերի Gemini համապարփակ տեսադարան, ինչպես նաեւ անցկացրել է Gemini for Workspace Crash դասընթացը:

SADA-ն օգնել է առանցքային հաճախորդներին, այդ թվում՝ WeWork-ին, Discovery-ին, Evite-ին, Sony Pictures Imageworks-ին եւ Ջորջիա նահանգին, վերափոխել իրենց աշխատանքը եւ հզորացնել աշխատուժը Google Workspace-ի միջոցով: