Սոնա Մնացականյանի անվան կրթաթոշակային ծրագիրն ընդունում է հայտեր

Մեկնարկել է Սոնա Մնացականյանի անվան կրթաթոշակային ծրագրի նոր փուլը։

Կրթաթոշակը կրում է ավտովթարից զոհված Սոնա Մնացականյանի անունը՝ նպատակ ունենալով աջակցել Հայաստանում ու Արցախում գիտությամբ ու տեխնոլոգիաներով զբաղվող աղջիկներին: Դրամահավաքն իրականացվում է reArmenia հարթակում այստեղ։

Հավաքագրված միջոցները միանվագ կրթաթոշակների տեսքով կհատկացվեն տաղանդավոր հայ կանանց հետեւյալ անվանակարգերում.

●    Վերականգնվող էներգիա,
●    Տեխնոլոգիա,
●    Գիտություն։

Հայաստանից եւ Արցախից 18 տարին լրացած տասը իգական սեռի ներկայացուցիչ, որ գործունեություն է ծավալում այս ոլորտներից որեւէ մեկում, կստանա աջակցություն:

Հաղթողները կընտրվեն բաց մրցույթի միջոցով։ Կարելի է դիմել այստեղ մինչեւ հուլիսի 10-ը։ Կրթաթոշակները կշնորհվեն FemInno կոնֆերանսի ընթացքում, որը տեղի կունենա հուլիսի 29-30-ին Երեւանում։