15 տարի առաջ այս օրը՝ 2007թ. սեպտեմբերի 14-ին, ռուսական MTC ընկերությունը դարձավ հայկական «ՎիվաՍել» բջջային օպերատորի բաժնետոմսերի 80%-ի սեփականատերը:
2007թ. սեպտեմբերի 14-ին այդ մասին Երեւանում հայտարարեցին MTC-ի նախագահ Լեոնիդ Մելամեդը, «ՎիվաՍելի» գլխավոր տնօրեն Ռալֆ Յիրիկյանն ու Fattouche Group լիբանանյան ներդրումային ընկերության նախագահ Պյեռ Ֆատուշը:
MTC-ը ձեռք էր բերել International Cell Holding Ltd. ընկերության կանոնադրական կապիտալի 80%-ը, որը հանդիսանում էր «ՎիվաՍել» ապրանքանիշի ներքո հանդես եկող «Ղ-Տելեկոմ» ՓԲԸ-ի 100 տոկոսանոց անուղղակի սեփականատերը, ինչպես նաեւ ստորագրել էր մնացած 20 տոկոսանոց բաժնի ձեռք բերման օպցիոն պայմանագիր:
Գործարքի գումարը կազմել էր 310 մլն եվրո` ներառյալ 50 մլն եվրոն, որոնք վաճառողին պետք է վճարվեին 3 տարվա ընթացքում` 2008-2010 թթ. ընկերության հասույթի եւ եկամտաբերության հաստատված ցուցանիշների կատարման դեպքում:
MTC-ը «Ղ-Տելեկոմին» նաեւ տրամադրել էր 140 մլն եվրոյի վարկ` պարտքերի մարման եւ ներդրումային ծրագրերի ֆինանսավորելու նպատակով:
Լեոնիդ Մելամեդը հայտարարել էր, որ «տվյալ ձեռքբերումն ամբողջությամբ համապատասխանում է MTC-ի ռազմավարությանը` ուղղված ԱՊՀ արագ աճող շուկաների ներուժի օգտագործմանը»:
11:38 | 13.09.22 |
Նորություններ
Հայկական BLiink-ը ներդրում է ստացել FAST-ի հրեշտակների ցանցից
17:11 | 12.09.22 |
Նորություններ
Հայտնի են 2-րդ ԱԹՍ մրցույթի արդյունքները
