Ինժեներական քաղաքում (ԻՔ) տեղի է ունեցել ավագ դպրոցի աշակերտների համար կազմակերպվող «Ինժեներական դպրոց» ծրագրի հերթական փուլի ամփոփիչ միջոցառումն ու հավաստագրերի հանձնման արարողությունը:
Ծրագիրն երեք ուղղություն ունի.
• ավիամոդելավորում,
• ռոբոտաշինություն,
• ռադիոէլեկտրոնիկա:
«Ինժեներական դպրոց» ծրագրի ուսումնական ծրագիրը մշակվել է «Ձեռնարկությունների ինկուբատոր» հիմնադրամի եւ Ինժեներական ասոցիացիայի կողմից՝ ԻՔ-ում գործող ՀԱՊՀ «Էլեկտրոնային սարքեր եւ չափիչ համակարգեր» բազային ամբիոնի աջակցությամբ։
Երեք ամիս տեւողությամբ անվճար դասընթացների ընթացքում մասնակից 34 աշակերտները ստեղծել են ուսումնամարզական ինքնաթիռների մոդելներ, ռոբոտներ, 7-սեգմենտային դիսփլեյ, օսցիլոգրաֆ, լաբորատոր սնուցման աղբյուր եւ հաճախաչափ, որոնք ցուցադրվեցին միջոցառման շրջանակում:
Ծրագիրը լինելու է շարունակական եւ նպատակ ունի ծանոթացնել աշակերտներին ժամանակակից ամենապահանջված մասնագիտությանը՝ ճարտարագիտությանը, առաջացնելով սեր եւ հետաքրքրություն այդ մասնագիտության նկատմամբ, ասված է հաղորդագրության մեջ:
12:21 | 21.02.22 |
Նորություններ
Hexact-ը առեւտրային նոր հարթակ է բացում
16:43 | 18.02.22 |
Նորություններ
BeeGraphy-ն 3D պարամետրիկ մոդելավորման անվճար դասընթացներ է սկսում
