Ucom-ը վճարել է դոլարային եւ դրամային պարտատոմսերի արժեկտրոնները

Մայիսի 16-ին Ucom ընկերությունը վճարել է Ucom կորպորատիվ պարտատոմսերի արժեկտրոնները։

Այդ պարտատոմսերը Ucom-ի առաջին թողարկումն են՝ 2019թ. գրանցված ծրագրային ազդագրի շրջանակներում։ Ucom ընկերությունը 2019թ․ մայիսին տեղաբաշխել է 11% տարեկան արժեկտրոնային եկամտաբերությամբ դրամային եւ 7,5% տարեկան արժեկտրոնային եկամտաբերությամբ դոլարային պարտատոմսեր։ Նշյալ պարտատոմսերը թույլատրվել են առեւտրի AMX Հայաստանի ֆոնդային բորսայում։

Հիշեցնենք, որ անվանական արժեկտրոնային պարտատոմսերի մարման ժամկետը 36 ամիս է, արժեկտրոնների վճարման հաճախականությունը եռամսյակային է։

Հավելենք, որ պարտատոմսերի հրապարակային առաջարկի ազդագիրը գրանցվել է ՀՀ կենտրոնական բանկի կողմից եւ հասանելի է այստեղ: