Instagram-ը հայտարարել է փաստերի ստուգման (fact-checking) գործառույթի գլոբալ գործարկման մասին:
Դրա շրջանակում անկախ մասնագետներն օգնում են գտնել հարթակում առկա ոչ ճշգրիտ տեղեկատվությունը: Մասնակի կամ ամբողջովին ոչ արժանահավատ որակվող տեղեկատվությունը կթաքցվի նորությունների ժապավենից, Stories-ից, անձնական հաղորդագրություններից:
Instagram-ը կսկսի նաեւ թաքցնել այն օգտահաշիվների կոնտենտը, որտեղ կանոնավոր կերպով ապատեղեկատվություն է հրապարակվում: Նմանատիպ օգտահաշիվների մասին տեղեկատվություն հարթակը կստանա տարբեր տեխնոլոգիաների միջոցով, ինչպես նաեւ «Բողոքել» գործառույթի շնորհիվ:
