Ապրիլի 13-14-ին Ինովացիոն լուծումների եւ տեխնոլոգիաների կենտրոնում (ISTC) կկայանա Բաց կառավարման եւ տվյալների հաքաթոնը:
Նախաձեռնության նպատակն է միավորել Հայաստանի փորձագիտական, մասնագիտական, քաղհասարակության եւ տեխնոլոգիական ներուժը՝ խթանելու բաց կառավարումն ու ստեղծելու օգտակար ծրագրեր, որոնք պետական ամենատարբեր ոլորտներում ապահովում են թափանցիկ ու հաշվետու կառավարում։
Հաքաթոնին մասնակցելու համար անհրաժեշտ է մինչեւ ապրիլի 1-ը գրանցվել այստեղ՝ նշելով թիմի անդամների քանակն ու տվյալները։
Հաքաթոնի մրցանակային ֆոնդը կազմում է $28,500: Թեմաներն են ջրային եւ հողային ռեսուրսներին, առողջապահական եւ սոցիալական ոլորտներին ու համակարգերին առնչվող խնդիրները: Ոլորտի մասնագետները կօգնեն թիմերին մասնագիտական խորհրդատվությամբ։
Միջոցառումը կազմակերպում է Հանրային լրագրության ակումբը՝ Թրանսփարենսի Ինթերնեշնլ հակակոռուպցիոն կենտրոնի, ISTC - Ինովացիոն լուծումների եւ տեխնոլոգիաների կենտրոնի, Արմավիրի զարգացման կենտրոնի հետ համագործակցությամբ:
