Աջափնյակ վարչական շրջանի թիվ 155 հիմնական դպրոցում բացվել է «Արմաթ» ինժեներական լաբորատորիա:
Դպրոցն իր սեփական ֆինանսական միջոցներն է ներդրել իր աշակերտներին ինժեներական գիտելիքների փոխանցման եւ «Արմաթ»-ի ստեղծման համար:
«Հաշվի առնելով դոնոր կազմակերպությունների սղությունն ու այն առաջնահերթությունը, որ «Արմաթ»-ները ստեղծվում են սահմանամերձ եւ մարզային բնակավայրերում, մի շարք դպրոցներ հանդես են գալիս սեփական նախաձեռնությամբ՝ որպեսզի օր առաջ դպրոցականներին տրամադրեն ժամանակակից կրթության անվճար պայմաններ: Սա հերթական օրինակելի նախադեպն է, երբ դպրոցի տնօրինությունը ինքնուրույն է ֆինանսական միջոցներ հայթայթում՝ կրթության որակի բարելավման համար»,- նշել են Առաջատար տեխնոլոգիաների ձեռնարկությունների միությունում (ԱՏՁՄ):
Հայաստանում ու Արցախում ներկայում գործում են ավելի քան 250 «Արմաթ» ինժեներական լաբորատորիա, որտեղ դպրոցականներն անվճար գիտելիք են ստանում, մասնակցում բազմապրոֆիլ զարգացման միջոցառումների ու ծանոթանում ՏՏ ոլորտի հնարավորություններին:
16:39 | 22.01.19 |
Նորություններ
eBay-ը կքննարկի Հայաստանում հնարավոր ներդրումները
