ՀՀ կառավարությունն այսօրվա նիստում հավանություն է տվել «Ինժեներական քաղաքի» ստեղծման հայեցակարգը եւ հայեցակարգից բխող միջոցառումների իրականացման ժամանակացույցը հաստատելու մասին որոշման նախագիծը։
ՀՀ տրանսպորտի, կապի եւ տեղեկատվական տեխնոլոգիաների նախարարի պաշտոնակատար Հակոբ Արշակյանը տեղեկացրել է, որ 2020թ.դեկտեմբերին նախատեսվում է ավարտին հասցնել ամբողջ ծրագիրը։
«Ինժեներական քաղաք»-ի ստեղծման ծրագրի հիմնական նպատակն է Հայաստանը դարձնել ինժեներական եւ բարձր տեխնոլոգիական (ԻԲՏ) արտադրանքի եւ ծառայությունների՝ գլոբալ շուկաներ արտահանող երկիր, ինչպես նաեւ տարածաշրջանային հանգույց ինովացիոն ինժեներական եւ բարձր տեխնոլոգիական լուծումների համար:
Ծրագրի իրականացման արդյունքում նախատեսվում է ստեղծել ինովացիոն էկոհամակարգ, որտեղ ԻԲՏ ոլորտի ընկերություններն արդիական ենթակառուցվածքների կիրառմամբ կմշակեն եւ կիրագործեն նորարարական գաղափարներ՝ տեղական ու միջազգային շուկաներում բարդ տեխնոլոգիական լուծումների առաջադրման նպատակով:
10:33 | 18.09.24 | Հոդվածներ
Ucom-ը ներսից. Երեւակայությունը, շուկայի զարկերակն ու պրոդուկտների թիմը