16:40 | 29.11.17 | Նորություններ | 5850
2018թ. հունվարին կներկայացվի «Թվային օրակարգ 2030»-ի ճանապարհային քարտեզը
ՀՀ վարչապետ Կարեն Կարապետյանին այսօր ներկայացվել է ՀՀ Ռազմավարական նախաձեռնությունների կենտրոնի մշակած «Հայաստանի թվային օրակարգ 2030» երկարաժամկետ ռազմավարական փաստաթղթի նախագիծը:
Օրակարգի մշակման ընթացքում ուսումնասիրվել են 6 ուղղությամբ թվայնացման բարեփոխումների իրականացման հնարավորությունները՝ ենթակառուցվածքներ, թվային կառավարում, մասնավոր հատվածի թվային փոխակերպում, թվային հմտությունների զարգացում, ինստիտուցիոնալ համակարգի ձեւավորում եւ կիբերանվտանգություն:
Հիմնական նպատակը ոչ միայն Երեւանում, այլեւ մարզերում ժամանակակից տեխնոլոգիաների հասանելիության, մատուցվող ծառայությունների թվայնացման եւ տեխնոլոգիական շարունակական զարգացման ապահովումն է:
Կառավարության ղեկավարը հանձնարարել է հետագա քննարկումներում ներգրավել նաեւ մասնավոր հատվածի ներկայացուցիչներին եւ ներկայացնել անհրաժեշտ ներդրումների ծավալի վերաբերյալ գնահատական:
Կարեն Կարապետյանը հանձնարարել է շահագրգիռ բոլոր կողմերի հետ համատեղ լրամշակել Թվային օրակարգը եւ հաջորդ տարի հունվարին ներկայացնել հստակ գործողությունների ծրագիր՝ ճանապարհային քարտեզով եւ կոնկրետ միջոցառումներով:
Կարող եք կարդալ նաեւ Itel.am-ի զրույցը «Թվային Հայաստան» հիմնադրամի գործադիր տնօրեն Էդուարդ Ներսիսյանի հետ:
15:20 | 29.11.17 |
Նորություններ
Beeline-ը ներկայացրել է Quatro SIM առաջարկը
