Climate Tech Hackathon

30 Հուն 2018 - 01 Հուլ 2018
ISTC

24-ժամյա միջոցառումը կստեղծի անտառային և գյուղատնտեսության մարտահրավերների լուծումներ գտնելու բարենպաստ միջավայր
Գրանցվել

Blockchain Hackathon: Securing the integrity of elections

23 Հուն 2018 - 24 Հուն 2018
Hero House

Թիմերը 30 ժամվա ընթացքում կզարգացնեն իրենց լուծումները
Գրանցվել

Ալեքսիս Օհանյան

Reddit

Ամերիկահայ ձեռներեց, ներդրող, Reddit սոցիալական լրատվական կայքի համահիմնադիր

Ալ Եսայան

IntelinAir

Ամերիկահայ գործարար, IntelinAir ընկերության հիմնադիր

Արտաշես Վարդանյան

Microsoft Innovation Center

Մայքրոսոֆթ ինովացիոն կենտրոնի տնօրեն

Պիեռ Հեննես

Granatus Ventures

«Գրանատուս Վենչուրս» ընկերության համահիմնադիր եւ կառավարող գործընկեր

Sololearn

Ծրագրավորում սովորեցնող ամենամեծ մոբայլ հարթակը

Movie Trip

Տեղեկատվություն հայտնի ֆիլմերում ներկայացված վայրերի մասին

Localz

Զբոսաշրջիկների համար ստեղծված հարթակ

Pixomatic

Սմարթ ֆոտոխմբագրիչ

ARLOOPA

Վիրտուալ եւ լրացված իրականություն

TaxoLine

Տաքսիների օնլայն պատվիրում Երեւանում

gg

Ավտոմեքենա պատվիրելու օնլայն համակարգ

Eye Care Plus

Ստուգել եւ մարզել տեսողությունը

Ժան Իվ Շառլիե. «ՎԵՈՆ»-ը վերածվում է թվային ընկերության

«ՎԵՈՆ» խմբի գլխավոր գործադիր տնօրեն Ժան Իվ Շառլիեն Երեւանում նոյեմբերի 21-23-ը մասնակցեց խմբի ղեկավարության գլոբալ համաժողովին:

Հայաստանյան շուկայի հետ կապված «ՎԵՈՆ»-ի քաղաքականության եւ հեռանկարների շուրջ Itel.am-ը զրուցել է Ժան Իվ Շառլիեի հետ:

-Պրն Շառլիե, ի՞նչ մարտահրավերների է բախվում «ՎԵՈՆ»-ը հայաստանյան շուկայում:

-Մենք Հայաստանում ունենք նույն մարտահրավերները, ինչ աշխարհի մյուս երկրներում: Մեզ համար կարեւոր մարտահրավեր է կենտրոնանալ հաճախորդների համար բարձր արագության դատա ծառայությունների մատուցման վրա՝ ինչպես ֆիքսված կապի, այնպես էլ մոբայլ հատվածում:

Մենք այսօր ականատես ենք, թե ինչպես է տվյալների հասույթն աճում 25-30%-ով, այնպես որ աշխարհում կա մեծ պահանջարկ հաճախորդների կողմից ինտերնետի միջոցով կապի եւ ավելի մեծ քանակով թվային ծառայությունների նկատմամբ:

Միաժամանակ, մենք կենտրոնացած ենք նոր թվային ծառայությունների ներդրման ուղղությամբ եւ Հայաստանում 2018թ. կգործարկենք «ՎԵՈՆ» անձնական ինտերնետ հարթակը: Ցանկանում ենք երկիր բերել մեսինջեր, որն իսկապես անվճար է նույնիսկ այն ժամանակ, երբ հաշվեկշռիդ գումար չկա: Արդեն իսկ պայմանագիր ենք կնքել ավելի քան 150 հայտնի գլոբալ բրենդների հետ, որոնք ներկայացված կլինեն հավելվածում: Սա Հայաստանում Beeline-ի համար հիանալի ժամանակ է:

- Ինչպե՞ս է «ՎԵՈՆ»-ն օգտագործում նորագույն տեխնոլոգիաների առավելությունները, այդ թվում՝ արհեստական բանականությունն ու բլոքչեյն տեխնոլոգիաները:  

- Աստիճանաբար սկսում ենք օգտագործել նոր տեխնոլոգիաները: Հատկապես big data-ն մեր ուշադրության կենտրոնում է:

Արհեստական բանականությունը դառնալու է ապագայի բանալին, որի միջոցով օնլայն՝ առանց զանգահարելու կամ բաժանորդների սպասարկման կենտրոն գնալու հնարավոր կլինի լուծել բաժանորդների խնդիրները: Այն իրենից լուրջ տրանսֆորմացիա է ենթադրում, եւ կարծում եմ՝ «ՎԵՈՆ»-ը լինելու է այն ընկերություններից մեկը, որն ամենաշատ ներդրումն է ունենալու հեռահաղորդակցության ոլորտի թվային փոխակերպումներում:

Հայաստանը մեզ համար բացարձակ ռազմավարական շուկա է: Այն մեր փոքր շուկաներից է, բայց նույնքան ռազմավարական է, որքան Ռուսաստանը, Ուկրաինան կամ Իտալիան:

Նարինե Դանեղյանն ու Ժան Իվ Շառլիեն

Նարինե Դանեղյանն ու Ժան Իվ Շառլիեն
Լուսանկարը՝ Beeline


Այսօր մենք հետեւողականորեն ներդնում ենք նոր տեխնոլոգիաներ ու հարթակներ բոլոր շուկաներում: Սա մեզ համար մեծ փոփոխություն է, նախկինում սովոր էինք տեխնոլոգիաները ներդնել շուկա առ շուկա, իսկ հիմա դա անում ենք գլոբալ մակարդակով, այնպես որ՝ Հայաստանում Beeline-ն օգուտ է ստանում բոլոր այն ներդրումներից, որոնք խումբն իրականացնում է:

Այսօր «ՎԵՈՆ»-ն ավելին է, քան հեռահաղորդակցության ոլորտի ընկերություն, այն ավելի շատ վերածվում է թվային ընկերության:

- Ի՞նչ ծրագրեր ունի «ՎԵՈՆ»-ը 5G ծառայությունների ներդրման հետ կապված:

- 5G-ն մեզ համար դեռ առջեւում է: Այն դեռ իրականություն չէ, եւ ծրագրում ենք 5G-ի հետ կապված մի շարք փորձարկումներ անել 2018-2019 թթ., երբ սարքավորումներ արտադրողների մշակած տեխնոլոգիան պատրաստ լինի:

Սակայն մի շարք զարգացող շուկաներում, որտեղ մենք գործունեություն ենք ծավալում, խոսքը դեռ 4G եւ մանրաթելային ցանցերի գործարկման մասին է, որը թույլ կտա բարձր որակի ծառայություններ մատուցել:

Մենք չենք կարծում, որ 5G-ն հեղափոխական դեր կունենա ոլորտում, քանի որ նախ՝ պետք է վստահ լինենք, որ մանրաթելային եւ 4G ցանցերը արդեն իսկ ամբողջությամբ ներդրված են մեր գործունեության երկրներում:

- Մոբայլ եւ ֆիքսված կապի օպերատորներն ամբողջ աշխարհում պայքարում են նվազող եկամուտների եւ մեծացող մրցակցության պայմաններում: Ինչպե՞ս է Ձեր ընկերությունը պայքարում այդ մարտահրավերների, հատկապես՝ OTT ծառայությունների դեմ:

- Մեր եկամուտներն աշխարհում աճել են 3%-ով: Ավելի ու ավելի շատ հաճախորդներ են սկսել ինտերնետի միջոցով օգտագործել թվային ծառայություններ:  

Հիմնականում ցանկանում ենք առաջարկել հեռահաղորդակցության ոլորտի լավագույն ֆիքսված ծառայությունները եւ այդ ուղղությամբ շատ ենք աշխատում: Բայց նաեւ ցանկանում ենք մրցակցել OTT (over the top) ծառայությունների հետ, որովհետեւ, եթե հեռահաղորդակցության ոլորտը ինքն իրեն չդիրքավորվի OTT-ների հետ պայքարում, բոլորս կդառնանք մեկը, որը տալիս է ուղղակի դատա ծառայություններ եւ ուրիշ ոչինչ: Դա մեծ մարտահրավեր է ոլորտի համար, եւ այդ պատճառով վերահայտնաբերում ենք ինքներս մեզ՝ թվային հատվածում առաջատար դառնալու համար:

-Մինչ «ՎԵՈՆ»-ին միանալը՝ առաջատար պաշտոններ եք զբաղեցրել հեռահաղորդակցության ոլորտի մի շարք այլ ընկերություններում: Ի՞նչ փոփոխություններ եւ մարտահրավերներ են նկատելի հեռահաղորդակցության գլոբալ ասպարեզում վերջին տասնամյակում:

- Ամենամեծ մարտահրավերն այն է, որ հեռահաղորդակցության ոլորտը հասել է հասունության մի մակարդակի, երբ այլեւս չի բացահայտում իր հնարավորությունները: Ամբողջ աշխարհում շուկաների մեծ մասն այլեւս չի աճում: Ոլորտը պետք է կենտրոնանա ավելի շատ բաժանորդներին ինտերնետ ծսռայություններ մատուցելու վրա: Շատ շուկաներում, որտեղ մենք գործունեություն ենք ծավալում, բնակչության 50%-ից քիչն է օգտվում ինտերնետից: Սա մեծ հնարավորություն է, եւ ոլորտը կարող է օգտվել դրանից:  

- Ի՞նչ տպավորիչ գիրք եք վերջերս կարդացել:  

- Այս ամառ ձկնորսության էի մեկնել ԱՄՆ-ի Մեյն նահանգ եւ ընթացքում գիրք էի կարդում լոբստերների որսի մասին: Գրքի անունն էր՝ The Lobster Chronicles: Life on a Very Small Island: Հետաքրքիր փաստ պատմեմ՝ 19-րդ դարում Մեյն նահանգի բանտերում լոբստերը, որն այսօր դելիկատես է, համարվում էր շատ էժան ուտելիք եւ դրանով կերակրում էին բանտարկյալներին: Կար օրենք, ըստ որի՝ արգելվում էր շաբաթական ավելի քան 3 անգամ բանտարկյալին կերակրել լոբստերով, որովհետեւ դա կտտանք էր համարվում: Հիանալի գիրք է, որը ցույց է տալիս, թե ինչպես է աշխարհը փոխվել վերջին դարերի ընթացում եւ ինչպես է փոխվում այսօր՝ ինտերնետ դարաշրջանի ընթացքում:

Ժան Իվ Շառլիեի հետ զրուցել է Նարինե Դանեղյանը

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo