Sevan Startup Summit 2018

22 Հուլ 2018 - 29 Հուլ 2018
Սեւան

Սամմիթին կմասնակցի շուրջ 1000 ձեռներեց ամբողջ աշխարհից, այդ թվում 120 ստարտափ թիմ
Գրանցվել

Պիեռ Հեննես

Granatus Ventures

«Գրանատուս Վենչուրս» ընկերության համահիմնադիր եւ կառավարող գործընկեր

Դավիթ Յան

ABBYY

ABBYY համակարգչային ծրագրերի ընկերության հիմնադիր, Lingvo էլ. բառարանի ստեղծող

Արտաշես Վարդանյան

Microsoft Innovation Center

Մայքրոսոֆթ ինովացիոն կենտրոնի տնօրեն

Հայկ Կայսերյան

KAYWEB and KAYWEB Angels

Ավստրալաբնակ հրեշտակ ներդրող, KAYWEB, KAYWEB Angels ընկերությունների հիմնադիր

Dhole

Խաղի միջոցով սովորել համաստեղությունների անունները

ARMOJI

Հայկական էմոջիների առաջին հավելվածը

Playland Armenia

Կրթական եւ ժամանցային անվճար խաղային հարթակ

Paqqy

Ճամփորդի միջոցով փաթեթի ուղարկում եւ ստացում

TaxoLine

Տաքսիների օնլայն պատվիրում Երեւանում

Wakie

Զրուցել անծանոթի հետ, ստանալ հուզող հարցերի պատասխաններ

Servicebrok

Ֆիքսված սակագնով տան ծառայությունների պատվիրում

Localz

Զբոսաշրջիկների համար ստեղծված հարթակ

Իլյա Լաուրս. Սթենֆորդն ու Պոլիտեխնիկը շատ նմանություններ ունեն

Իլյա Լաուրսը լիտվական Nextury վենչուրային ֆոնդի հիմնադիրն ու նախագահն է:

2013-ին հիմնված ֆոնդն օգնում է ՏՏ ոլորտի ստարտափներին` տրամադրելով ոչ միայն ֆինանսական, այլեւ մենթորային-խորհրդատվական աջակցություն։

Անցած ամիս լիտվացի ներդրողը Երեւանում մասնակցել է «ԱրմԹեք՛17» համաժողովին, այցելել «ԴիջիԹեք Էքսպո 2017», ինչպես նաեւ ունեցել պաշտոնական հանդիպումներ:

Itel.am-ը այցի մանրամասների շուրջ զրուցել է Իլյա Լաուրսի հետ:

- Ի՞նչ պլաններ ունի Nextury Ventures-ը՝ կապված Հայաստանի հետ:

-Կան մտադրություններ, ծրագրեր: Բանն այն է, որ Լիտվայում Nextury Ventures-ը զբաղվում է ոչ միայն ներդրումներով: Մենք աշխատում ենք կառավարության, ակադեմիական միջավայրի եւ ստարտափների հետ: Այնպես որ, խոսքը շատ ավելի լայն էկոհամակարգի մասին է:

Հայաստանը հիանալի երկիր է՝ իր մշակույթով, պատմությամբ, մարդկանցով: Այցիս ընթացքում ՏՏ ոլորտի բազմաթիվ ներկայացուցիչների հանդիպեցի, եղան նաեւ պաշտոնական հանդիպումներ: Այս պահին փորձում ենք ավելի խորությամբ հասկանալ հայաստանյան էկոհամակարգը, քանի որ մինչեւ ներդրում կատարելը պետք է այն դիտարկել ամբողջական համատեքստում: Ինձ շատ դուր եկավ այն, ինչ պարզեցի Հայաստանում: Ժամանակ է հարկավոր, որ վերլուծեմ Հայաստանում ստացածս տեղեկատվությունը, սակայն, պետք է ասեմ, որ առաջին տպավորություններս հիանալի են:

Շատ էր տպավորել «Թումո» կենտրոնը: Շատ կցանկանայի, որ նմանատիպ կենտրոններ լինեին նաեւ այլ երկրներում: Պրակտիկ արդյունքները, ինչպես օրինակ տաղանդները, որոնք բացահայտվում են նման նախագծերի ընթացքում, նվաճումներ են: Տեղյակ եմ, որ «Թումոյի» թիմն այս տարի գրավել է երրորդ տեղը FIRST Global ռոբոտաշինության միջազգային օլիմպիական խաղերում: Կարծում եմ, որ նման օրինակները լավ մեսիջներ են պարունակում:   
 
- Իսկ ինչո՞վ են նման Հայաստանի եւ Լիտվայի ՏՏ էկոհամակարգերը:

- Նմանատիպ են ընկերությունները, ոլորտի մասնագետների մեծ պահանջարկը, նույնիսկ աշխատավարձերն են համանման (ժպտում է – խմբ.): Այս վերջին բաղադրիչը, ի դեպ, ցույց է տալիս, որ ՏՏ-ն Հայաստանում «ամենաթանկ» ոլորտներից է:  

- Ինչպե՞ս կարելի է նպաստել ՏՏ ոլորտի զարգացման գործընթացը:

- Այցիս ընթացքում ՀՀ վարչապետ Կարեն Կարապետյանի հետ քննարկում էինք այդ հարցը:

Առաջին հերթին, պետք է կարգավորել օրենսդրական դաշտը, համոզվել, որ առկա է օրենքի գերակայություն, քանի որ եթե այն բացակայում է, բարդ է որեւէ բան անել: Բայց կարծես Հայաստանը վստահորեն շարժվում է այդ ուղղությամբ:  

Ես Սիլիկոնյան հովտում 5 տարի եմ անցկացրել: Սիլիկոնյան հովիտն ինձ համար առաջին հերթին Սթենֆորդի համալսարանն է, այլ ոչ թե միլիարդդոլարանոց վենչուրային կապիտալը:

Ամեն ինչ սկսվում է, երբ գիտությունը լուրջ մակարդակի վրա է: Այցիս ընթացքում հաճախ էի հիշատակում, որ Սթենֆորդի համալսարանը գրեթե նույն չափերն ունի, ինչ Պոլիտեխնիկը. նրանցից յուրաքանչյուրում շուրջ 8000 ուսանող է սովորում: Բայց Սթենֆորդի ուսանողները ամեն տարի միլիարդավոր դոլարների ֆինանսավորում են ստանում իրենց նորարարությունները կյանքի կոչելու համար: Պոլիտեխնիկի դեպքում այդ թիվը զրո է: Երկու համալսարաններում էլ նույն խելացի ուսանողներն են, կասեի, որ գիտության մակարդակն էլ է հավասար: Բայց մի համալսարանում հնարավոր է ֆինանսավորում ստանալ, մյուսում՝ ոչ: Սա ցույց է տալիս, որ ինչ-որ բան սխալ է:

Եվ սա ոչ միայն էկոհամակարգին է վերաբերում, այլեւ ներքին կանոնակարգերին: Այս երեւույթը հատուկ է ոչ միայն Հայաստանին, այլեւ հետխորհրդային գրեթե բոլոր երկրներին: Համալսարաններն ավելի շատ խրախուսում են ակադեմիական նվաճումները, հետազոտությունները, իսկ գործնական արդյունքը բացակայում է:

Եթե երկիրը ցանկանում է ՏՏ-ում կապիտալիզացիա ապահովել, արժեքներ ստեղծել եւ չի ստեղծում գործիքներ, որոնք ակադեմիական արժեքները կտանեն դեպի կոմերցիա, ապա ինչ-որ բան սխալ է:  

Կամ մի՛ զարգացրեք գիտությունը, կամ այդ միջնորդ գործիքները ճի՛շտ ձեւով ստեղծեք:

Նույն խնդիրներն առկա են նաեւ Լիտվայում եւ անգամ Կենտրոնական Եվրոպայի երկրներում: Եվ այս խնդիրը պետք է լուծել, այլապես գործընթացը սխալ ուղով կգնա:

- Հայաստանյան ստարտափներին խորհուրդ կտա՞ք դիտարկել Բալթյան երկրները որպես թիրախային շուկա:

-Ոչ, կարծում եմ` պետք է սկսել տեղական շուկայից: Ես զրուցել եմ, օրինակ, gg-ի հիմնադիրների հետ, քննարկել ենք մրցակցությունը Yandex-ի հետ: Վիթխարի ռուսական ընկերությունն ընդդեմ լոկալ հայկական ստարտափի, եւ կարծես թե gg-ն այս պայքարում հաղթում է, չնայած մրցակցի միլիոնավոր դոլարների ներդրմանը: Սա օրինակ է այն բանի, որ լոկալ շուկայում սկսելը ճիշտ մոտեցում է: Եվ հենց որ ստարտափը պարզի այն մոդելը, որով աշխատելու է լոկալ շուկայում, արդեն իմաստ չի ունենա տեղափոխվել այլ փոքր շուկա: Ընտրե՛ք մեծ շուկա եւ այնտե՛ղ գնացեք: Իմ խորհուրդն է կայանալ լոկալ շուկայում եւ հետո գնալ մեծ նպատակի հետեւից:

Իլյա Լաուրսի հետ զրուցել է Նարինե Դանեղյանը

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo