Sevan Startup Summit 2018

22 Հուլ 2018 - 29 Հուլ 2018
Սեւան

Սամմիթին կմասնակցի շուրջ 1000 ձեռներեց ամբողջ աշխարհից, այդ թվում 120 ստարտափ թիմ
Գրանցվել

Պիեռ Հեննես

Granatus Ventures

«Գրանատուս Վենչուրս» ընկերության համահիմնադիր եւ կառավարող գործընկեր

Դավիթ Յան

ABBYY

ABBYY համակարգչային ծրագրերի ընկերության հիմնադիր, Lingvo էլ. բառարանի ստեղծող

Արտաշես Վարդանյան

Microsoft Innovation Center

Մայքրոսոֆթ ինովացիոն կենտրոնի տնօրեն

Հայկ Կայսերյան

KAYWEB and KAYWEB Angels

Ավստրալաբնակ հրեշտակ ներդրող, KAYWEB, KAYWEB Angels ընկերությունների հիմնադիր

Dhole

Խաղի միջոցով սովորել համաստեղությունների անունները

ARMOJI

Հայկական էմոջիների առաջին հավելվածը

Playland Armenia

Կրթական եւ ժամանցային անվճար խաղային հարթակ

Paqqy

Ճամփորդի միջոցով փաթեթի ուղարկում եւ ստացում

TaxoLine

Տաքսիների օնլայն պատվիրում Երեւանում

Wakie

Զրուցել անծանոթի հետ, ստանալ հուզող հարցերի պատասխաններ

Servicebrok

Ֆիքսված սակագնով տան ծառայությունների պատվիրում

Localz

Զբոսաշրջիկների համար ստեղծված հարթակ

Startup Wise Guys. Հայաստանը փոքր երկիր է՝ մեծ տեխնոլոգիաներով

Անցած շաբաթ էստոնական Startup Wise Guys աքսելերատորը, Փարիզում տեղակայված Startdoon նախաձեռնությունը եւ Մայքրոսոֆթ ինովացիոն կենտրոնը՝ smartgate.vc-ի եւ Inapptics-ի աջակցությամբ, կազմակերպել էին ներդրումային եւ մենթորային օր:

Դրա շրջանակում հայ եւ արտասահմանցի մենթորները Մայքրոսոֆթ ինովացիոն կենտրոնում անհատական հանդիպումների ձեւաչափով (office hours) մեկ օր շարունակ աշխատել են ընտրված B2B եւ B2C լուծումներ մշակող 13 ստարտափների հետ:

Արդյունքում OnQuark ստարտափը հնարավորություն է ստացել մասնակցելու 2018թ. փետրվարին Ռիգայում կայանալիք Techchill տեխնոլոգիական միջոցառմանը, իսկ LiveBoard-ը կմասնակցի Startup Wise Guys աքսելերացիոն ծրագրի ընտրական գործընթացին՝ Լատվիայում:

Itel.am-ը զրուցել է Երեւան ժամանած՝ Startup Wise Guys-ի ներկայացուցիչներ Ուոլես Գրինի եւ Էգիտա Պոլանսկայի հետ:

- Որքանո՞վ Inapptics-ի հաջողությունը նպաստեց ձեր՝ Հայաստան գալու որոշմանը, եւ ի՞նչ ակնկալիքներով եք այստեղ:

Էգիտա Պոլանսկա - Inapptics-ն առաջին հայաստանյան ստարտափն էր, որը մասնակցեց մեր աքսելերացիոն ծրագրին: Ստարտափի հիմնադիրների հետ զրույցից հասկացանք, որ անպայման պետք է այցելենք Հայաստան եւ ծանոթանանք ներքին էկոհամակարգին: Այդ ժամանակահատվածում ծանոթացանք նաեւ StartDoon նախաձեռնության ներկայացուցիչների հետ եւ իմանալով նրանց՝ Հայաստան այցելելու մտադրության մասին, որոշեցինք համատեղ կազմակերպել այս միջոցառումը:

3 օր տեւողությամբ այցի առաջնային նպատակն էր գտնել պոտենցիալ ստարտափներ՝ մեր աքսելերացիոն ծրագրի հաջորդ ռաունդի համար: Կարող եմ ասել, որ շատ տպավորված եմ ստարտափների տաղանդով եւ որակով:

Այցելեցինք նաեւ մի շարք ՏՏ ընկերություններ եւ կենտրոններ, օրինակ Zangi, PicsArt, Workfront, Impact Hub, «Թումո»:

Սա մեր առաջին այցն է եւ փորձում ենք հասկանալ տեղական ՏՏ էկոհամակարգի առանձնահատկությունները, ճանաչել հիմնական խաղացողներին, պարզել, թե որքանով են նրանք հետաքրքրված մեզանով: Սա թույլ կտա հասկանալ՝ արդյոք կա՞ կարիք, որ մենք վերադառնանք Հայաստան հետագա համագործակցության համար:

Կարող եմ ասել, որ ամենայն հավանականությամբ, մենք կվերադառնանք արդեն հունվարին՝ աքսելերացիոն նոր ռաունդի համար ստարտափներ որոնելու նպատակով:  

Ուոլես Գրին - Startup Wise Guys-ն ունի բալթյան պատմություն: Տարիների ընթացքում ստարտափները սկսել են գալ ավելի ու ավելի շատ երկրներից: Մեր վերջին աքսելերացիոն ռաունդին մասնակցում էր 11 ստարտափ՝ 8 երկրից:  

Մենք անընդհատ որոնում ենք Եվրոպայի լավագույն B2B ստարտափներին: Inapptics-ի գործադիր տնօրեն Աշոտ Տոնոյանը շատ էր պատմել մեզ Հայաստանի մասին, եւ որոշեցինք 22 քաղաք ընդգրկող տուրի շրջանակում այցելել նաեւ Հայաստան:
Եթե կարողանանք մեր հաջորդ աքսելերացիոն ռաունդում ներկայացված ունենալ եւս մեկ հայաստանյան ստարտափ, ապա միանշանակ կվերադառնանք:
 
- Մեկ օր շարունակ Երեւանում աշխատեցիք հայաստանյան մեկ տասնյակից ավելի ստարտափների հետ, ինչպես նաեւ ներկա գտնվեցիք փիչինգին: Ինչո՞վ է հայաստանյան ստարտափ էկոհամակարգը տարբերվում:

Ուոլես Գրին - Անկեղծ կլինեմ՝ մենք շատ երկրներում ենք ներկա գտնվել ստարտափ փիչինգի: Այդ շուկաներից յուրաքանչյուրն ունեցել է սեփական առանձնահատկությունը:

Հայաստանում տեսնում ենք պարզ եւ միաժամանակ ուժեղ էկոհամակարգ. դա խողովակ է, որտեղից դուրս են գալիս հզոր ընկերություններ, բավական բարձր է տեխնոլոգիական որակը, երեւում է, որ շատ հզոր են համալսարանները: Մի փոքր կաղում են բիզնես եւ փիչինգ հմտությունները: Մեզ համար սա լավ հնարավորություն է    ՝ օգնելու մեր ծրագրին մասնակցող ստարտափներին՝ բիզնեսի վարման եւ փիչինգին վերաբերող  խորհրդատվությամբ:
 
Էգիտա Պոլանսկա - Այլ երկրների համեմատ՝ Հայաստանն ունի հզոր տեխնոլոգիական տաղանդ՝ արհեստական բանականության հիմունքները, մաթեմատիկան, ֆիզիկան բավական հզոր են այստեղ:

Որոշակի աշխատանք է հարկավոր փիչինգի, մարքեթինգի, վաճառքների ոլորտներում: Ընդհանուր առմամբ, պետք է զարգացնել ներդրումային հատվածը, բիզնես հրեշտակների ցանցերը: Չնայած պետք է նշել, որ տեսնում ենք մարդկանց, որոնք արդեն զբաղվում են դրանով:

Ուզում եմ նշել, որ մենք չենք ցանկանում Հայաստան այցելել միայն մեր ծրագրի համար ստարտափներ ընտրելու նպատակով: Նաեւ ցանկանում ենք ծանոթանալ ոլորտի խաղացողների հետ, գտնել գործընկերներ եւ հնարավորության դեպքում աջակցել տեղական էկոհամակարգին:

- Հայաստանյան LiveBoard ստարտափին հնարավորություն ընձեռվեց հեշտացված կարգով մասնակցել Startup Wise Guys աքսելերացիոն ծրագրի ընտրական գործընթացին: Ինչո՞վ էր պայմանավորված ընտրությունը, եւ ո՞ր գործոններն ազդեցին այդ ընտրության վրա:

Ուոլես Գրին – Մենք միշտ ընտրում ենք ստարտափներին՝ հիմնվելով 3 բաղադրիչի վրա՝ յուրահատուկ եւ տարբերվող գաղափար, շուկան ընդլայնելու հնարավորություն եւ որ ամենակարեւորն է, ուշադրություն ենք դարձնում թիմին: Իրականում վաղ շրջանում ներդրումները հենց թիմում են կատարվում:

LiveBoard-ը մեզ գրավեց, քանի որ նրանում տեսանք թվային համագործակցության յուրահատուկ եւ տարբերվող գաղափար՝ այն իրենցից ներկայացնում է, այսպես ասած, Skype եւ գրատախտակ: Մեզ գրավեց նաեւ թիմը, որը շատ բաց է խորհուրդների նկատմամբ:

Ի դեպ, մեզ համար հետաքրքիր գործոն է հայաստանյան ՏՏ-ի եւ Սփյուռքի միասնական գործոնը: Հայերը ներկա են ամենաակտիվ ստարտափ շուկաներում՝ դարձնելով Հայաստանը փոքր երկիր՝ մեծ տեխնոլոգիաներով:

Հայաստանը մեզ համար հեռանկարային շուկա է: Հետաքրքիր է՝ մեր աքսելերացիոն մոդելը, դրան գումարած ԱՄՆ-ի Սփյուռքը, կարո՞ղ են դառնալ կամուրջ, որ հայաստանյան ստարտափները գնան ոչ միայն Եվրոպա, այլեւ ԱՄՆ:

Ուոլես Գրինի եւ Էգիտա Պոլանսկայի հետ զրուցել է Նարինե Դանեղյանը

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo