Օրանժ Արմենիան աջակցել է «Բաց խաղ» առաջնության 2-րդ փուլի անցկացմանը

Օրերս կայացել է «Բաց Խաղ» համակարգչային եւ բջջային խաղերի նախագծման ամենամյա առաջնության 2-րդ փուլը:

Առաջնության այս փուլում մասնակիցները հնարավորություն են ունեցել իրենց խաղերը ներկայացնել ժյուրիի անդամներին եւ ստանալ խորհդատվություն դրանց հետագա զարգացման վերաբերյալ:

«Բաց խաղ» առաջնությունն արդեն 5-րդ տարին անընդմեջ կազմակերպվում է Ինֆորմացիոն տեխնոլոգիաների ձեռնարկությունների միության (ԻՏՁՄ) եւ Օրանժ Արմենիա ընկերության համատեղ ջանքերով: Այս տարի մրցույթի գործընկեր է նաեւ Huawei ընկերությունը:

Խաղերի նախագծման առաջնությունը նպատակ ունի զարգացնել խաղերի նախագծման ոլորտը Հայաստանում, ստեղծել գործարար միջավայր, տեխնոլոգիական ոլորտում ունենալ «Արտադրված է Հայաստանում» բրենդ եւ հանդես գալ միջազգային շուկայում:

«Բաց խաղ» առաջնության երրորդ եւ եզրափակիչ փուլերը կկայանան հոկտեմբերին:

Առաջնությանը մասնակցելու համար կարելի է գրանցվել մինչեւ հոկտեմբերի 6-ը: