Beeline-ը սկսում է Գեղաշեն համայնքի ֆիքսված կապի թվայնացման աշխատանքները

Beeline-ը շարունակում է Հայաստանի մարզերում ԱՀԿ-ների եւ բաժանորդային գծերի թվայնացման աշխատանքները: 2015թ.-ի մայիս ամսին մեկնարկել են ֆիքսված կապի թվայնացման եւ գործող բաժանորդային հեռախոսագծերի վերամիացման աշխատանքները Կոտայքի մարզի Գեղաշեն համայնքում:

Թվայնացման աշխատանքների ավարտից հետո, որը նախատեսվում է մինչեւ ս.թ. հունիսի 15-ը,  Գեղաշեն համայնքի բնակիչներին հասանելի կլինեն նոր որակի թվային ֆիքսված կապի եւ լայնաշերտ ինտերնետի ծառայությունները:

Ենթակառուցվածքների թվայնացման աշխատանքների արդյունքում կիրականացվեն սարքավորումների փոխարինման եւ վերազինման աշխատանքներ, իսկ գործող բաժանորդային գծերը կվերամիացվեն նոր թվային կայանին:   

«Մեր ընկերությունը շարունակում է ենթակառուցվածքի ընդլայնմանն ուղղված աշխատանքները՝ հասանելի դարձնելով մեր պարզ եւ հարմար ծառայությունները Հայաստանի մարզերի բնակիչներին: Շուտով Գեղաշեն համայնքի բնակիչները կկարողանան սեփական փորձով համոզվել Beeline-ի ֆիքսված հեռախոսակապի ու լայնաշերտ ինտերնետի որակյալ եւ մատչելի ծառայությունների բոլոր առավելություններում», -  նշեց Հայաստանում Beeline-ի Գլխավոր տնօրեն Անդրեյ Պյատախինը: 

2014թ. ընթացքում Beeline-ը թվայնացրել է Հայաստանի 16 բնակավայրի հեռախոսային ցանց, մոնտաժել է ավելի քան 3500 հեռախոսագիծ եւ լայնաշերտ ինտերնետի ծառայությունների ավելի քան 1000 նոր պորտ: