15:16 | 31.10.14 | Նորություններ | 3746
Ռալֆ Յիրիկյանը հանդիպել է Առաջնորդության դպրոցի ուսանողներին
ՎիվաՍել-ՄՏՍ-ի գլխավոր տնօրեն Ռալֆ Յիրիկյանը բիզնես-առաջնորդության սկզբունքներն է ներկայացրել Առաջնորդության դպրոցի լսարանին:
«Հաջողության հասնելու համար անհրաժեշտ է առաջնորդվել գործարար էթիկայով: Մեր առաջընթացը պայմանավորված է այն որպես կառավարման գործիք կիրառելու մոտեցմամբ: ՎիվաՍել-ՄՏՍ-ում ձեւավորված արժեհամակարգի հիմքում կառավարման քաղաքակիրթ մշակույթն է: Այն ենթադրում է ճկուն ռազմավարություն, աշխատանքային առողջ միջավայրի ապահովում, գործատու-աշխատակից օղակում հարգանքի ու վստահության ձեւավորում, աշխատակցի դերի գնահատում, նրա իրավունքների պաշտպանություն եւ առաջընթացի ձգտում: Մոտեցման այս ձեւաչափը երազանքից նպատակի հասնելու միջոց է»,-ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:
Դասախոսությանը առցանց հետեւել են նաեւ մի խումբ ուսանողներ Արցախից` ՎիվաՍել-ՄՏՍ-ի 3G ցանցի շնորհիվ:
