13:11 | 11.08.14 | Նորություններ | 4648
Orange-ը 041 կոդով հեռախոսահամարները հասանելի կլինեն օգոստոսի 20-ից
Այսօր Orange-ը տեղեկացրել է, որ իր նոր՝ 041 կոդով սկսվող հեռախոսահամարները Orange-ի խանութներից հնարավոր կլինի ձեռք բերել օգոստոսի 20-ից:
Orange-ը որոշել է 041 կոդով սկսվող լավագույն 11 հեռախոսահամարները վաճառել բարեգործական աճուրդի միջոցով, որը տեղի կունենա սեպտեմբերին, անհատական հրավերների հիման վրա:
Յուրաքանչյուր հեռախոսահամարի մեկնարկային գինը կլինի 500 000 դրամ: Orange-ը կկրկնապատկի ամենաբարձր դրույքը, եւ աճուրդի ողջ հասույթը կնվիրաբերվի «Պահենք երեխաներին ընտանիքում» բարեգործական նախագծին:
Նախագիծը, որը մեկնարկել է 2012թ-ին Վորլդ Վիժն Հայաստանի հետ համագործակցությամբ, նպատակ ունի աշխատելու գործիքներ եւ հնարավորություն ստեղծել ծնողների համար, որպեսզի վերջիններս կարողանան հոգ տանել իրենց ընտանիքի մասին` առանց բարեգործությունից շարունակական կախվածության: Այս ծրագրի շնորհիվ արդեն 32 երեխա տուն է վերադարձել մանկատներից ու գիշերօթիկ դպրոցներից:
«Հուսով ենք, որ աճուրդի մասնակիցները կգնահատեն հրաշալի հեռախոսահամար ու ծառայություն ձեռք բերելու եւ միաժամանակ այդ գումարը բարեգործական նպատակների տրամադրելու հնարավորությունը եւ շատ առատաձեռն կլինեն»,- ասել է Օրանժ Արմենիայի գլխավոր տնօրեն Ֆրանսիս Ժելիբտերը:
17:24 | 08.08.14 |
Նորություններ
Շարունակվում է համակարգչային եւ բջջային խաղերի առաջնությունը
