Orange Արմենիա ընկերությունն այսօր ներկայացրել է «Դեպի Կանն» վիդեոմրցույթի հաղթողին:
Այս տարի Orange-ի պատվավոր հյուրը Կաննի 67-րդ միջազգային կինոփառատոնում կլինի Անդրանիկ Հարությունյանը:
Orange Արմենիայից նա ստացել է դեպի Կանն ուղեւորության ամբողջական փաթեթ երկու հոգու համար՝ ներառյալ ավիատոմսեր, համար հինգաստղանի հյուրանոցում, անձնական վարորդ եւ մուտք դեպի կինոփառատոն կարմիր գորգով՝ աշխարհահռչակ կինոաստղերի հետ միասին: Մրցույթի հաղթողն իր ընտրած ուղեկցի հետ կմասնակցի փառատոնի՝ մայիսի 21-ի ցուցադրմանը:
«Կաննի կինոփառատոնին ներկա գտնվելն իմ ամենամեծ երազանքներից էր, որը փաստորեն իրականություն կդառնա: Շնորհակալ եմ Orange-ին ինձ նման հնարավորություն ընձեռելու համար»,- նշել է Անդրանիկ Հարությունյանը:
«Այս տարի մեր բաժանորդները մեծ ակտիվությամբ մասնակցել են մրցույթին. բոլոր տեսանյութերն ընդհանուր առմամբ դիտվել են ավելի քան 14 հազար 500 անգամ», - ասել է Orange Արմենիա ընկերության գլխավոր տնօրեն Ֆրանսիս Ժելիբտերը՝ շնորհավորելով հաղթողին:
Այս տարի մրցույթին մասնակցել է 20 տեսանյութ: Առավելագույն քվե ստացած մրցույթի մյուս 14 տեսանյութերի հեղինակները ստացել են անակնկալ նվեր Orange-ի եւ «Մոսկվա» կինոթատրոնի կողմից: Մեկ ամսվա ընթացքում նրանք հնարավորություն կունենան անսահմանափակ այցելել «Մոսկվա» կինոթատրոնն իրենց ընտրած անձի հետ:
13:36 | 08.05.14 |
Նորություններ
ԱրմենՏել-ը տոնական ակցիա կանցկացնի Հաղթանակի զբոսայգում
