Microsoft-ը կգնի ֆիննական Nokia ընկերության բջջային հեռախոսների արտադրության բիզնեսը:
Գործարքի գումարը կկազմի $7,17 մլրդ:
Ինչպես հաղորդում է РБК-ն` վկայակոչելով Reuters-ը, ակնկալվում է, որ գործարքը կավարտվի 2014 թվականի I-ին եռամսյակում: Գործարքի պայմանների մեջ մտնում է ընկերության պատենտների օգտագործման եւ բջջային սարքերի արտադրության իրավունքի ձեռքբերումը:
Nokia-ն բջջային բիզնեսի վաճառքից հետո մտադիր է կենտրոնանալ բիզնեսի այլ ուղղությունների վրա, մասնավորապես, քարտերի եւ նավիգացիոն համակարգերի մշակման վրա:
Nokia տնօրենների խորհրդի նախագահ Ռիստո Սիիլասմաան վստահություն է հայտնել, որ այս գործարքը ամենաճիշտ որոշումն է ընկերության եւ բաժնետերերի համար:
Ֆիննական ընկերությունը, որը ժամանակին բջջային հեռախոսների շուկայում առաջատար էր, վերջին տարիներին ճգնաժամ էր ապրում` զիջելով Samsung-ի եւ Apple-ի հետ մրցակցությունում: 2013 թվականի երկրորդ եռամսյակում Nokia հեռախոսների վաճառքները վերջին ութը տարիներին ռեկորդային ցածր մակարդակի էին հասել:
Nokia-ն 2011 թվականից համագործակցում էր Microsoft-ի հետ` որպես բջջային օպերացիոն համակարգ օգտագործելով Windows Mobile-ը:
15:20 | 02.09.13 |
Նորություններ
Մինչեւ հոկտեմբերի 31-ը Orange TV-ն հասանելի կլինի հատուկ սակագնով
