Այսօր նյույորքյան «Ռադիո-Սիթի» համերգային սրահում Samsung-ը կներկայացնի իր նոր ֆլագմանային սմարթֆոն Galaxy S IV-ը:
Հարավկորեական ընկերությունը ստիպված է լինելու բախվել նրա հետ, ինչից արդեն երկար ժամանակ տառապում է իր հիմնական մրցակից Apple-ը, այն է՝ սպառողների չափազանցված ակնկալիքների հետ, գրում է The Wall Street Journal-ը:
«Այսօր շատ ավելի դժվար է տպավորություն գործել սպառողների վրա: Սամսունգն իրեն դիրքավորում է որպես թանկարժեք սմարթֆոնների սեգմենտում Apple-ի միակ այլընտրանքը: Դա ենթադրում է պատասխանատվություն եւ սպառողների բարձր ակնկալիքներ», - ասում է Gartner հետազոտական ընկերության վերլուծաբան Քարոլինա Միլանեզին:
Վերլուծաբանները կանխատեսում են, որ Galaxy S IV-ում կիրառվելու է օգտագործողի հայացքին հետեւող նոր տեխնոլոգիա: Բացի այդ, սպասվում է, որ նոր սմարթֆոնը կունենա ավելի մեծ դիսփլեյ (5 դյույմ հնի 4,8-ի դիմաց), ավելի հզոր ֆոտոխցիկ եւ պրոցեսոր:
17:56 | 13.03.13 |
Նորություններ
«ՀայԹեք Արմենիա» բրենդը ներկայացվել է CeBIT 2013 ցուցահանդեսում
13:35 | 12.03.13 |
Նորություններ
Մեկնարկում է ՀԱՆ եւ Orange Հիմնադրամի 2013 թ. ծրագիրը
