Orange-ը կահավորել եւ ջեռուցել է Լուսակունք գյուղի մանկապարտեզը

Երեւան/Մեդիամաքս/. Orange Հիմնադրամը եւ «Շեն» բարեգործական հասարակական կազմակերպությունը կահավորել եւ ջեռուցել են Գեղարքունիքի մարզի Լուսակունք գյուղի մանկապարտեզը, որն ունի 30 սաներ:

«Սա թվով 8-րդ մանկապարտեզն է, որին մենք աջակցում ենք կահավորման կամ ջեռուցման համակարգի ձեռք բերման համար: Հպարտությամբ կնշեմ նաեւ, որ Օրանժ Արմենիայի աշխատակիցները գրքեր ու խաղալիքներ են հավաքել, որոնք հունիսի մեկի առթիվ կբաժանվեն մեր գործընկեր «Շեն» բարեգործական կազմակերպության հոգածության ներքո գտնվող տարբեր համայնքներում», - նշել է Orange Հիմնադրամի խորհրդի նախագահ, Orange Armenia-ի տնօրեն Բրունո Դյութուան:

Մանկապարտեզի կահավորման համար Orange Հիմնադրամը տրամադրել է մոտ 2 մլն դրամ: