Երեւան/Մեդիամաքս/. Բեւեռ հայաստանյան ՏՏ-ընկերությունը IBM-ի մասնագետների հետ համատեղ այսօր Երեւանում իր հերթական տեխնոլոգիական սեմինարն է անցկացնում ֆինանսական շուկաների ներկայացուցիչների եւ ՏՏ-մասնագետների համար:
Ինչպես հաղորդում է Մեդիամաքս-ը, սեմինարի թեման է «ՏՏ ծառայությունների կառավարում: Ֆինանսական վերլուծություն,հաշվետվություն և կանխատեսում», որի ընթացքում ներկայացվում են IBM Tivoli ընտանիքի արտադրանքների առավելությունների օգտագործումը տվյալների կառավարման, ՏՏ ենթակառուցվածքի և վերջնահանգույցների կառավարման հարցերում:
Սեմինարի ընթացքում կներկայացվեն նաեւ IBM Cognos ինտեգրված վերլուծական հարթակները, որոնք օգնում են ընկերություններին ավելի լավ հասկանալ, կանխատեսել և ձևավորել հաշվետվությունները:
