11:41 | 06.10.10 | Նորություններ | 2974
«ՎիվաՍել-ՄՏՍ»-ի նոր սակագնային պլանով ՀՀ բուհերի ուսանողները կարող են միմյանց հետ խոսել 1 դրամ/րոպե սակագնով
Երեւան/Մեդիամաքս/. «ՎիվաՍել-ՄՏՍ»-ը այսօր հայտարարել է «Ես» նոր սակագնային պլանի ներդրման մասին բուհերի ուսանողների համար:
Ինչպես Մեդիամաքս-ին հայտնել են ընկերության մամուլի ծառայությունում, այժմ «Ես» կանխավճարային սակագնային պլանի ուսանող բաժանորդները կարող են ընկերների հետ շփվել 1 դրամ սակագնով խոսակցության մեկ րոպեի դիմաց:
«Ես» սակագնային պլանի բաժանորդ կարելի է դառնալ` այցելելով «ՎիվաՍել-ՄՏՍ»-ի սպասարկման կենտրոն: Քարտը ձեռք բերելիս անձնագրի հետ մեկտեղ անհրաժեշտ է ներկայացնել նաեւ ուսանողական տոմսը, քանի որ առաջարկը գործում է միայն ուսանողների համար:
