Երեւան /Մեդիամաքս/. ՀՀ Հանրային ծառայությունները կարգավորող հանձնաժողովը /ՀԾԿՀ/ այսօր “ԱրմենՏել” ընկերությանը (Beeline ապրանքանիշ) 8 մլն դրամի տուգանք է նշանակել:
Ինչպես նիստում տեղեկացրել է ՀԾԿՀ հեռահաղորդակցության վարչության պետ Գեւորգ Գեւորգյանը, որոշումը պայմանավորված է “ԱրմենՏելի” կողմից երկու լիցենզավորված կազմակերպություններին ելքային ձայնային ծառայությունների տրամադրման կարգը խախտելու հանգամանքով:
Հանձնաժողովը “ԱրմենՏելին” պարտավորեցրել է 2 շաբաթվա ընթացքում նշված գումարն վճարել ՀՀ պետբյուջե եւ ՀԾԿՀ-ին ներկայացնել վճարման մասին համապատասխան փաստաթղթերը:
