SpaceXAI-ը ներկայացրել է Grok 4.5-ը, որը մշակվել է Cursor-ի հետ

SpaceXAI-ը (xAI-ը վերանվանվել է) ներկայացրել է իր «ամենախելացի» մոդելը՝ Grok 4.5-ը, որը մշակվել է Cursor թիմի հետ համատեղ։ 

SpaceX-ը հայտարարել էր Cursor-ի ձեռքբերման մասին 2026 թվականի հունիսին։

SpaceXAI-ի տվյալներով՝ մոդելը մարզվել է ծրագրավորման, գիտության եւ մաթեմատիկայի հետ կապված տվյալների բազաների վրա։ Մինչդեռ Composer 2.5-ը, որը Cursor-ը ներկայացրել էր 2026 թվականի մայիսին, մարզվել է որպես ծրագրավորման փորձագետ, Grok 4.5-ը օգտագործել է ավելի լայն տվյալների բազա։

Grok 4.5-ն աշխատում է Experts of Mixture (MoE) ճարտարապետության վրա եւ լավ է գլուխ հանում բարդ, երկարաժամկետ առաջադրանքներից, ներառյալ ծրագրավորումը, ֆինանսները, իրավունքը եւ այլն։ AI գործակալների աշխատանքի Terminal-bench 2.1 չափանիշում մոդելը գերազանցել է Anthropic-ի Opus 4.8-ին եւ Composer 2.5-ին։ 

Grok 4.5 արդյունքների համեմատությունն այլ մշակողների մոդելների հետ
photo © Cursor

Cursor-ի գործադիր տնօրեն Մայքլ Թրուելը X-ում գրել է, որ Grok 4.5-ը «Opus դասի, արագ եւ մատչելի» մոդել է: Այն հասանելի է Cursor, Grok Build եւ SpaceXAI Console տարբերակներով (SpaceXAI-ը նախատեսում է մոդելը ավելացնել իր ԵՄ արտադրանքին 2026 թվականի հուլիսի կեսերին): 

Գինը 1 միլիոն մուտքային տոկենների համար կազմում է 2 դոլար, իսկ 1 միլիոն ելքային տոկենների համար՝ 6 դոլար: