ՏՏ ընկերությունների աշխատակիցները կմրցեն ռազմատակտիկական խաղում

Սեպտեմբերի 14-ից Հայաստանում կանցկացվի լազերթագ սպորտաձեւի IT Cup առաջնությունը։

Դրա նպատակն է շփման միջավայր ձեւավորել տարբեր ՏՏ ընկերությունների աշխատակիցների միջեւ, ինչպես նաեւ ամրապնդել տվյալ ընկերությունների աշխատակիցների թիմային ոգին։

Առաջնությունը կիրականացնի LaserWar Armenia-ն, այն իրենից կներկայացնի ռազմատակտիկական խաղ-մրցաշար։ ՏՏ ընկերությունները կմրցեն լավագույն ռազմավարական թիմի կոչման համար։

Հարկավոր է կազմել թիմեր եւ մասնակցել մրցաշարին։ Մրցաշարին առանձին թիմերով կմասնակցեն ՏՏ, Web3 եւ ֆինտեխ համայնքի ներկայացուցիչները:

Մրցաշարի հաղթող թիմերը կստանան դրամական պարգեւներ, լավագույն խաղացողները՝ նվերներ։ Նշվում է, որ լազերթագ սպորտաձեւի IT Cup առաջնությունն անցկացվում է արդեն չորրորդ անգամ։