ServiceTitan-ը 6-րդն է 2024 թվականի Forbes Cloud 100 վարկանիշում

ServiceTitan առաջատար ծրագրային հարթակն ընդգրկվել է Forbes 2024 Cloud 100-ում՝ աշխարհի լավագույն 100 մասնավոր ամպային ընկերությունների վարկանիշում, որը հրապարակվել է Forbes-ի կողմից Bessemer Venture Partners-ի եւ Salesforce Ventures-ի հետ համագործակցությամբ:

2024 թվականի Forbes Cloud 100 վարկանիշում ServiceTitan-ը զբաղեցրել է 6-րդ տեղը:

«Մեր հաճախորդ բնակելի եւ առեւտրային կապալառուները, որոնք հզորացնում են աշխարհն, ապավինում են բարդ եւ եզակի ծրագրային ապահովման՝ իրենց բիզնեսը կառավարելու, ավելի շահութաբեր դառնալու եւ իրենց հաճախորդներին բացառիկ փորձառություն մատուցելու համար։ ServiceTitan-ում մեր նպատակն է շարունակել ապահովել նրանց անհրաժեշտ արժեքավոր տեխնոլոգիաները եւ օպտիմալացնել նրանց բիզնեսի բոլոր ասպեկտները։ Մենք հպարտ ենք, որ եւս մեկ անգամ ընդգրկվել ենք Forbes Cloud 100-ում, քանի որ ServiceTitan-ը շարունակում է իր առաքելությունը՝ դառնալու գործարքների օպերացիոն համակարգ», - ասել է ServiceTitan-ի գործադիր տնօրեն եւ համահիմնադիր Արա Մահդեսյանը:

Արդեն 9-րդ տարին անընդմեջ Cloud 100-ը ամեն տարի դիտարկում է հարյուրավոր ամպային ստարտափների եւ մասնավոր ընկերությունների աշխատանքը: Cloud 100-ի գնահատման գործընթացը ներառում է չորս հիմնական չափանիշ՝ շուկայի առաջատարություն (35%), գնահատված արժեք (30%), գործառնական չափումներ (20%) եւ մարդիկ ու մշակույթը (15%):

ServiceTitan-ը հիմնադրվել է 2012 թվականին հայազգի Արա Մահդեսյանի եւ Վահե Կուզոյանի կողմից։ Ընկերությունն ամպային եւ շարժական ծրագրային լուծում է տրամադրում կենցաղային սպասարկման ծառայություններ իրականացնող ընկերություններին։ Ընկերության հայաստանյան գրասենյակը բացվել է 2018-ին։

Ամբողջական վարկանիշը կարող եք տեսնել այստեղ։