Հայաստանի Բլոկչեյն Էմբասիում ներկայացվել են Բահամուտի վրա գործարկված նոր DeFi նախագծերը՝ Mutuari-ն, Lolik-ը եւ SilkSwap-ը:
Հանդիպման ընթացքում հայտարարվել է նաեւ Ցերեբրում Վիրտուալ Երեւանի նոր նախագծի մեկնարկը:
Mutuari եւ Lolik DeFi հավելվածներից խոսել է պրոդուկտի պատասխանատու Դիանա Պարտիզպանյանը, իսկ SilkSwap-ի բոլոր առավելությունները եւ հնարավորությունները ներկայացրել է Blockstars-ի հիմնադիր եւ գործադիր տնօրեն Արտյոմ Հարությունյանը: Այս երեք DeFi նախագծերը գործում են Բահամուտ բլոկչեյնի վրա եւ ամբողջովին ապակենտրոնացված են:
Մասնագետների կողմից DeFi նախագծերը ներկայացնելուց հետո Fastexverse-ի ղեկավար Վահե Խաչատրյանը խոսել է Ցերեբրում Վիրտուալ Երեւանի նոր նախաձեռնության մասին: Հանդիպման ընթացքում նա ազդարարել է Ցերեբրում Վիրտուալ Երեւանում բոլորի կողմից սիրված Սարյան փողոցի վիրտուալ տարածքների նախավաճառքի փուլի մեկնարկը: Մանրամասն ներկայացվել են տարածքի ձեռքբերման առավելությունները, Fastexverse-ի կողմից առաջարկվող լուծումները եւ վիրտուալ տիրույթում բիզնեսի առաջխաղացումը: Փակ նախավաճառքի փուլը նախատեսված է Սարյան փողոցում ներկայում գործող բիզնեսների համար, որը կտեւի երկու շաբաթ, այնուհետեւ կսկսվի վաճառքի հանրային փուլը՝ հնարավորություն տալով բոլորին ձեռք բերել հասանելի տարածքները եւ զարգացնել իրենց բիզնեսը Fastexverse-ի հետ:
Հանդիպման վերջում տեղի է ունեցել ակտիվ հարց ու պատասխան բանախոսների եւ ներկաների միջեւ։
Բաց չթողնելու Web3 համայնքի կարեւոր իրադարձությունները եւ նոր նախագծերը՝ կարող եք մասնակցել ftNFT Phygital Space-ում պարբերաբար կազմակերպվող հանդիպումներին եւ տեղեկանալ առաջիկա միջոցառումներից Meetup Fastex եւ Fastex Armenia պաշտոնական էջերում:
15:41 | 10.05.24 |
Նորություններ
ՍոֆթԿոնստրակտը մասնակցել է Career City Fest 2K24-ին
12:54 | 10.05.24 |
Նորություններ
5 միլիարդ դրամ պետական ֆինանսավորում՝ ՏՏ ընկերություններին
