Apple-ը թողարկել է iOS 17.2-ի տարբերակը եւ iOS 17.3-ի բետա տարբերակը մշակողների համար:
Բետա տարբերակում հայտնաբերվել է «Գողացված սարքի պաշտպանություն» նոր գործառույթ: Այն հավելյալ պաշտպանություն է ավելացնում, եթե գաղտնաբառին տիրապետող որեւէ մեկը մուտք գործի սմարթֆոն՝ առանց օգտատիրոջ իմացության:
Այս ֆունկցիան, հավանաբար, սկսել է մշակվել Wall Street Journal-ի հոդվածից հետո, որտեղ հարձակվողները սկսել են լրտեսել պոտենցիալ զոհերին՝ պարզելու իրենց iPhone-ի ծածկագիրը նախքան գաջեթը գողանալը: Գողացված սարքի պաշտպանությունը լուծում է այս խոցելիությունը՝ ավելացնելով Face ID կամ Touch ID հաստատում գաղտնիության հետ կապված գործողությունների համար:
Ահա այն գործառույթները, որոնք կպահանջեն Face ID կամ Touch ID, երբ նոր անվտանգությունը միացված է.
• iCloud Keychain-ից գաղտնաբառեր դիտելիս եւ օգտագործելիս;
• կորցրած ռեժիմն անջատելիս;
• կարգավորումները եւ տվյալները վերականգնելիս;
• Safari-ում պահված վճարման եղանակների օգտագործման համար;
• iPhone-ի միջոցով նոր սարք կարգավորելու համար;
• Apple Card-ի մասին տեղեկությունները դիտելիս;
• նոր Apple Card-ի համար դիմելիս;
• Apple Cash-ի եւ Savings-ի հետ գործողություններ կատարելիս (վճարումներ եւ բանկային գործարքներ Wallet հավելվածում):
Մի շարք գործառույթների համար ոչ միայն կպահանջվի Face ID կամ Touch ID, այլեւ նոր փորձերը ձախողված սքանավորումից հետո կարգելափակվի մեկ ժամով:
Խոսքը հետեւյալ գործողությունների մասին է.
• Apple ID գաղտնաբառը փոխել;
• Apple ID-ի անվտանգության կարգավորումները՝ ներառյալ վստահելի սարքի, հեռախոսահամարի, վերականգնման գաղտնաբառի կամ վերականգնման կոնտակտի ավելացում կամ հեռացում կատարել;
• Գաղտնաբառը փոխել;
• նոր Face ID սքանավորումներ կամ Touch ID մատնահետքեր ավելացնել կամ հեռացնելը;
• անջատել Find My iPhone-ը;
• անջատել գողացված սարքի պաշտպանությունը:
Նոր գործառույթը հասանելի կլինի բոլոր սարքերում, որոնք աջակցում են iOS 17, այսինքն՝ iPhone Xs եւ ավելի նոր մոդելներում: iOS-ի կայուն տարբերակի օգտատերերը կկարողանան մուտք գործել այն iOS 17.3-ի թարմացմամբ, որը նախատեսված է հունվարին կամ փետրվարին:
