Մեկնարկել է VivaTech 2023-ին մասնակցության հայտերի ընդունումը

Հունիսի 14-17-ը Փարիզում կկայանա VivaTech 2023 7-րդ ամենամյա միջազգային տեխնոլոգիական ցուցահանդեսը։

ՀՀ բարձր տեխնոլոգիական արդյունաբերության նախարարությունը հայտարարել է մասնակցության հայտադիմումների ընդունման մասին:

Եվրոպայի ամենախոշոր տեխնոլոգիական այս միջոցառմանը ոլորտային հայկական ընկերությունները հնարավորություն կունենան հանդես գալ «ՀԱՅԱՍՏԱՆ» միասնական տաղավարի ներքո։

Նախարարությունը հոգում է միասնական տաղավարի տարածքի վարձակալության, նախագծման, կառուցապատման եւ մուտքի տոմսերի ծախսերը, ինչպես նաեւ ապահովում ներկայացվող ընկերությունների տեղեկատվական արշավը։ Մնացյալ ծախսերը (ավիատոմսեր, կեցություն) հոգում են ընտրված ընկերությունները։

Հայտադիմումների ընդունման վերջնաժամկետը մարտի 15-ն է, որը պետք է լրացնել այստեղ։

Ցուցահանդեսի թեմատիկ բաժինների, ինչպես նաեւ միջոցառման մասին առավել մանրամասն տեղեկատվությունը հասանելի է այստեղ։

VivaTech-ի ընթացքում ամեն տարի կազմակերպվում է ստարտափների մրցույթներ, որոնց կարող եք հետեւել այստեղ: