Ամերիկյան Microchip Technology-ն մասնաճյուղ կբացի Հայաստանում

Ամերիկյան միկրոէլեկտրոնիկա արտադրող Microchip Technology ընկերությունը, որի շուկայական արժեքը 45 միլիարդ ԱՄՆ դոլար է, մասնաճյուղ կբացի Հայաստանում։

Ըստ ՀՀ էկոնոմիկայի նախարար Վահան Քերոբյանի, Հայաստանում ինժեներական թիմ ստեղծելու մասին Microchip Technology-ն 2 տարի առաջ պայմանավորվածություն է ձեռք բերել հայկական «Ինստիգեյթ» ընկերության հետ, որի միջոցով էլ իրականացվում է գործընթացը։

Microchip Technology Incorporated-ը խելացի, միացված եւ անվտանգ ներկառուցված կառավարման լուծումների առաջատար մատակարար է: Ընկերության լուծումները սպասարկում են ավելի քան 120,000 հաճախորդի արդյունաբերական, ավտոմոբիլային, սպառողական, օդատիեզերական եւ պաշտպանական, կապի եւ հաշվողական շուկաներում: Գլխամասային գրասենյակը Արիզոնայում է։