15:25 | 31.10.22 | Նորություններ | 2141

Apple-ի եկամուտը եռամսյակում կազմել է 90,15 մլրդ դոլար

Apple-ը հրապարակել է եռամսյակային հաշվետվությունը, որի համաձայն ընկերության եկամուտը եռամսյակում կազմել է 90,15 մլրդ դոլար՝ տարեկան կտրվածքով աճելով 8,1%-ով:

Զուտ շահույթը կազմում է 20,7 մլրդ դոլար, գումարը փոքր-ինչ փոխվել է. 2021 թվականին նույն եռամսյակում այն կազմել է 20,5 մլրդ դոլար։

iPhone-ի եկամուտը, որը կազմում է 42,63 միլիարդ դոլար, տարեկան կտրվածքով ավելացել է 9,67%-ով։ Mac-ի եկամուտը՝ 11,51 մլրդ դոլար, տարեկան կտրվածքով ավելացել է 25,39%-ով։

iPad-ի եկամուտը կազմել է 7,17 մլրդ դոլար, ինչը 13,06%-ով պակաս է մեկ տարի առաջվա հետ համեմատ: Ընկերության ղեկավար Թիմ Կուկը նշել է բաղադրիչների մատակարարման հետ կապված խնդիրների մասին, ինչն էլ ազդել է արդյունքի վրա։

AirPods-ից, Apple Watch-ից եւ HomePod-ից եւ այլ սարքերից ու աքսեսուարներից ստացված եկամուտը կազմել է 9,65 մլրդ դոլար՝ 9,85%-ով ավելի:

Ծառայություններ (Apple Music, Apple TV+, App Store եւ ավելին) եկամուտը կազմել է $19,19 մլրդ (տարեկան 4,98%-ով ավելի)։ Զեկույցի քննարկման ժամանակ Թիմ Կուկը բացատրել է սթրիմինգային ծառայությունների գների աճը։ Նրա խոսքով՝ երաժշտական լիցենզիաների արժեքը բարձրացել է, իսկ Apple TV +-ն «ավելի շատ շոուներ է առաջարկում»։

Համակարգիչների վաճառքն աճել է՝ չնայած այն հանգամանքին, որ բաղադրիչների մատակարարների եւ մրցակիցների եռամսյակային տվյալները վկայում են վաճառքի կտրուկ դանդաղման մասին, գրում է CNBC-ն։

Apple-ը հաստատել է աշխատանքի ընդունման դանդաղեցումը: Ինչպես մյուս ընկերությունները, այն ձգտում է կրճատել ծախսերը ռեցեսիայի սպառնալիքի պատճառով: