14:34 | 25.10.22 | Նորություններ | 1315

Երեւանում կանցկացվի Մեդիա եւ տեղեկատվական գրագիտության Հեքըթոն

Դեկտեմբերի 3-4-ը կանցկացվի «Մեդիա եւ տեղեկատվական գրագիտության Հեքըթոն 2022» մրցույթ՝ փաստերի ստուգման եւ մեդիագրագիտության կարողությունների զարգացմանն ուղղված տեխնոլոգիական լուծումներով նախագծերի համար։

Հեքըթոնի մրցանակային ֆոնդը կազմում է 15,000 ԱՄՆ դոլարին համարժեք ՀՀ դրամ, որը շնորհվելու է երեք լավագույն գաղափարի հեղինակներին։

Առաջին տեղեկատվական հանդիպումը տեղի կունենա առցանց ձեւաչափով հոկտեմբերի 28-ին։

Հեքըթոնի եւ տեղեկատվական հանդիպման վերաբերյալ մանրամասներին եւ մասնակցության պայմաններին կարելի է ծանոթանալ այստեղ։

Հեքըթոնը հայտարարվում է Մեդիագրագիտության հայաստանյան շաբաթվա շրջանակում (նոյեմբեր 7-13, 2022), այն ամեն տարի կազմակերպվում է Մեդիա նախաձեռնությունների կենտրոնի եւ ՀՀ կրթության, գիտության, մշակույթի եւ սպորտի նախարարության կողմից։

Միջոցառումը կազմակերպում է Հանրային լրագրության ակումբը, Հայաստանում ԱՄՆ դեսպանատան աջակցությամբ իրականացվող «Մեդիա եւ տեղեկատվական գրագիտության աքսելերատոր» ծրագրի շրջանակում, «Ինովացիոն լուծումների եւ տեխնոլոգիաների կենտրոն» հիմնադրամի հետ համատեղ։