«ԱրմՌոբոտիքս» մրցույթն ընդունում է հայտեր

«ԱրմՌոբոտիքս» 14-րդ մրցույթն ընդունում է մասնակցության հայտեր։ Եզրափակիչը տեղի կունենա նոյեմբերի 5-ին։

Մրցույթի նպատակն է խրախուսել եւ հանրայնացնել ռոբոտաշինության, ծրագրավորման, էլեկտրոնիկայի եւ դիզայնի նկատմամբ հետաքրքրությունը, զարգացնել ռոբոտաշինության ոլորտը, մեծացնել ճարտարագիտական մասնագիտության նկատմամբ հետաքրքրությունը։

Այն նաեւ հարթակ է ռոբոտաշինությամբ եւ ծրագրավորմամբ զբաղվող երիտասարդների հմտությունները, ունակություններն ու գիտելիքները ցուցադրելու համար։

Այս տարի մրցույթի բովանդակությունը վերաբերում է ագրոտեխնոլոգիական լուծումներով խելացի ագարակին:

Հայտերի ընդունման վերջնաժամկետը սեպտեմբերի 25-ն է։ Մասնակցության համար անհրաժեշտ է լրացնել հայտադիմումն այստեղ։  

Առաջին անգամ մրցույթին դպրոցականներից բացի կմասնակցեն նաեւ սկսնակ եւ մասնագիտացված ընկերություններ։

Մրցույթի թիմերը կբաժանվեն 3 խմբի`

•    կրտսեր տարիքի դպրոցահասակներ (10-13տ.),
•    ավագ տարիքի դպրոցահասակներ (14-17տ.),
•    սկսնակ եւ մասնագիտացված ընկերություններ:

Կանոնակարգին կարող եք ծանոթանալ այստեղ։