16:16 | 08.06.22 | Նորություններ | 1581
BANA Startup Incubator-ի ստարտափները ներկայացրել են իրենց գաղափարները
Կայացել է BANA-ն SAP-Startup Factory-ի հետ համատեղ ստարտափ ինկուբատորի առաջին սերնդի Դեմո օրը:
Ավարտող չորս ստարտափներն անցել են 32-շաբաթյա կրթական ծրագիր, որը բաղկացած է վերապատրաստման ծրագրից, աշխատաժողովներից, հրավիրված փորձագետների և ոլորտի մենթորների հետ անհատական հանդիպումներից:
Նրանք ներկայացրել են իրենց գաղափարները։ Միջոցառումը լավ հնարավորություն էր հանդիպելու ՏՏ ոլորտի մարդկանց և կապ հաստատելու նրանց հետ:
Ներկայացնում ենք դեմո օրվա 4 ստարտափներին․
TACTUN-ի տեխնոլոգիան ժողովրդավարացնում է արդյունաբերական IoT շուկան՝ օգնելով ավանդական բիզնեսներին թվային դաշտ մուտք գործել և սկսել պարբերական եկամուտներ ստանալ: TACTUN-ը նվազեցնում է արդյունաբերական էլեկտրոնային արտադրանքի ստեղծման արժեքը՝ ներդնելով հարթակ, որը ներառում է ունիվերսալ վերահսկիչ և ծրագրային ապահովման որպես ծառայություն վեբ հավելվածների ստեղծող:
Leanbe-ն հարթակ է, որը հնարավորություն է տալիս պրոդուկտ ստեղծող թիմերին տվյալների, ինսայթներով և գործիքների միջոցով ստեղծել ավելի լավ պրոդուկտներ՝ հիմնվելով պրոդուկտի շարունակական հայտնաբերման ու ուսումնասիրման վրա:
Collabre.io-ն մշակել է SaaS գործիք է, որն օգնում է թվային մարքեթինգի և SMM գործակալություններին/թիմերին համագործակցել և կառավարել իրենց բոլոր բիզնես գործընթացները մեկ տեղում՝ սկսած մարքեթինգային արշավից մինչև հրապարակում, վերլուծություն և վիճակագրություն:
CAIMAN-ը «Բոլորը մեկում» համակարգ է, որը կօգնի հեռահաղորդակցության օպերատորներին վերափոխել իրենց բիզնեսը՝ սահմանելով արտադրողականության և համագործակցության նոր չափանիշներ, որոնք մեծացնում են եկամուտը, նվազեցնում գործառնական ծախսերը, բարելավում են հաճախորդների գոհունակությունը և բարձրացնում անվտանգությունը՝ ինտեգրելով տվյալների վիզուալիզացիան, AI-ի վրա աշխատող ցանցային պլանավորում և արագ ահազանգման համակարգ։
Նշենք, որ 2021թ. հունիսին գերմանական համակարգչային ծրագրերի մշակմամբ զբաղվող առաջատար SAP ընկերությունը եւ Հայաստանի բիզնես հրեշտակների ցանցը (BANA) հայտարարեցին Հայաստանում BANA-ի կողմից SAP Startup Factory-ի հիմնադրման մասին:
15:47 | 08.06.22 |
Նորություններ
Հայտնի են EMERGE 2022-ի ստարտափների մրցույթի հաղթողների անունները
17:57 | 07.06.22 |
Նորություններ
Team Telecom Armenia-ն բարելավել է COMBO և COSMO փաթեթները
