56 թիմ կմասնակցի «Երիտասարդ Նորարարներ - Ապագա Առաջնորդներ» հեքըթոնին

Հունիսի 5-ին կկայանա «Երիտասարդ Նորարարներ - Ապագա Առաջնորդներ» հեքըթոնը։  

Մասնակցելու հայտ է ներկայացնել 160 մարդ, որոնք ներկայացված են 56 թիմերում՝ Հայաստանի բոլոր մարզերից:

Նպատակը երիտասարդ սերնդի ձեռներեցության ոգին խթանելն է։ Մասնակից թիմերը հանդես կգան Հայաստանում տնտեսական խնդիրների լուծմանն ուղղված ինժեներական և տեխնոլոգիական գաղափարներով։

Հաղթող թիմերը կստանան տեխնոլոգիական նվերներ, ինչպես նաև հմտությունների զարգացման դասընթացներին անվճար մասնակցելու հնարավորություն, իսկ գլխավոր հաղթողին սպասվում է անակնկալ մրցանակ: Ժյուրիի կազմում կլինեն մասնավոր և բիզնես ոլորտի ներկայացուցիչներ:

Հեքըթոնն անցկացվում է ԵՄ-ն բիզնեսի համար նախաձեռնության «Նորարարական տուրիզմի և տեխնոլոգիաների զարգացում Հայաստանի համար» ծրագրի աջակցությամբ՝ Գյումրիի Տեղեկատվական Տեխնոլոգիաների Կենտրոնի (ԳՏՏԿ) հետ համատեղ։