Վիվա-ՄՏՍ-ի եւ «Ֆուլեր տնաշինական կենտրոնի» բնակարանաշինության ծրագրով Արարատի մարզի Արտաշատ քաղաքում Ստեփանյանների ընտանիքի համար հիմքից տուն է կառուցվել:
Ընդամենը հինգ ամիս տեւած շինարարական աշխատանքներն ավարտվել են ձմռանը: Ստեփանյաններն արդեն բնակարանամուտ եւ Ամանոր են նշել: Գործընկեր կազմակերպությունների ղեկավարներն այցելել են ընտանիքին:
«Խնդիրներ հաղթահարելիս պետք է ճանապարհից հեռացնել հուսահատությունը. դա ամենավատ խորհրդատուն է եւ քայքայում է ամեն ինչ: Դժվարությունները ժամանակավոր են, իսկ հաջողությունների հիմքում կարեւոր տեղ ունեն կամքն ու հավատը: Արդեն ավելի քան տասը տարի իրականացնում ենք այս ծրագիրը եւ համոզվել ենք դրանում: Կառուցվող ամեն տան հետ ամրանում է որեւէ մեկի հավատը: Ծրագրի գնահատման ամենահաջողված ցուցիչը ոչ թե բարձրացող պատն է, այլ՝ երեխայի աչքերի փայլը», - ասել է Վիվա-ՄՏՍ-ի գլխավոր տնօրեն Ռալֆ Յիրիկյանը:
Վիվա-ՄՏՍ-ի եւ «Ֆուլեր տնաշինական կենտրոնի» աջակցությամբ միայն 2021 թվականին բնակարանի խնդիր են լուծել 87 ընտանիք: Տասնամյա համագործակցության ցուցանիշը ոգեւորող է. նոր կյանք սկսած ընտանիքների թիվը մոտենում է չորս հարյուրի:
15:41 | 25.03.22 |
Նորություններ
Telcell-ը կրկին Koreez մրցույթի գլխավոր գործընկերն է
14:36 | 25.03.22 |
Նորություններ
Կբացվի Համադպրոցական գիտության փառատոնը
