Samsung-ը СES (Consumer Electronics Show) միջոցառման ընթացքում ներկայացրել է Bot Handy տնային ռոբոտը:
Այն կարող է լվացք անել, աման լվացող մեքենան բեռնել, սեղանը սպասքադրել, գինի լցնել եւ նույնիսկ խմիչք մատուցել:
Տնային ռոբոտն օգտագործում է արհեստական բանականություն եւ տեսախցիկներ՝ օբյեկտները ճանաչելու համար:
Bot Handy-ն նաեւ կարող է որոշել, թե որքան ուժ է պետք գործադրել առարկան վերցնելու համար:
Ընկերությունում նշել են, որ ռոբոտն առայժմ մշակման փուլում է, գործարկման ամսաթիվն ու արժեքն էլ դեռ հայտնի չեն:
