Lenovo ընկերությունը ներկայացրել է աշխարհում առաջին նոթբուքը, որը կարող է միանալ 5G ցանցին:
The Verge-ի փոխանցմամբ, նոթբուքն աշխատում է Qualcomm X55 5G մոդեմով եւ Snapdragon 8cx պրոցեսորով: Սարքը մեկ լիցքավորմամբ կարող է աշխատել մինչեւ 24 ժամ:
Նոթբուքն աշխատում է Windows 10 Pro օպերացիոն համակարգով: Այն ունի 14 դյույմ անկյունագծով էկրան, 8 ԳԲ օպերատիվ հիշողություն, 256 ԳԲ SSD քարտ:
ԱՄՆ-ում Lenovo-ի նոթբուքը շուկայում կհայտնվի Flex 5G անունով եւ կվաճառվի բացառիկ իրավունքով՝ Verizon ընկերության կողմից: Սարքը կարժենա $1400: Ավելի ուշ այն կհայտնվի նաեւ բրիտանական, շվեյցարական եւ չինական շուկաներում:
