AITC-ի նոր առցանց դասընթացները կօգնեն կարանտինի օրերին ձեռք բերել նոր մասնագիտացում

Ձեռնարկությունների ինկուբատոր հիմնադրամը եւ Հայ-հնդկական ՏՀՏ գերազանցության կենտրոնը (AITC)` կարեւորելով կարանտինի օրերին ինքնակրթությամբ զբաղվելու հնարավորությունը, մեկնարկում են #GrowWithUs եւ #AntiCOVID առցանց կրթական արշավը:

Կենտրոնն առաջարկում է ընտրել վեց դասընթացներից մեկը: Գրանցման հայտը հասանելի է այստեղ:

«Այս դասընթացները նախատեսված են նրանց համար, ովքեր աշխատել կամ աշխատում են այլ ոլորտներում, ունեն պոտենցիալ, սակայն մինչ օրս չեն կարողացել ժամանակ տրամադրել ծրագրավորում սովորելու համար: Դասընթացներին մասնակցելու համար գործում են գրավիչ պայմաններ, քանի որ ուզում ենք, որ մարդիկ, որոնք մտածում են իրենց ապագան բարելավելու մասին, կարողանան դա իրենց թույլ տալ եւ արդյունավետ օգտագործել կարանտինում գտնվելու ժամանակահատվածը»,- նշում է ծրագրի ղեկավար Էմիլիա Հարությունյանը:

Առաջարկվող դասընթացներն են՝

WEB Programming դասընթացի նպատակն է պատրաստել ապագա Web ծրագրավորողներ եւ հնարավորություն տալ նրանց յուրացնել ժամանակակից JavaScript ծրագրավորման լեզվի շարահյուսությունը, ինչն աշխատաշուկայում այսօր ամենատարածված եւ պահանջված հմտություններից մեկն է:

Առաջին փուլն ավարտելուց հետո, որը հասանելի է զեղչված արժեքով, մասնակիցները կկարողանան պատրաստել իրենց առաջին վեբկայքը: Դասընթացը կմեկնարկի ապրիլի 27-ին:

JAVA Programming ծրագրավորման լեզուն առանձնանում է իր հուսալիությամբ եւ կիրառվում է տարբեր հարթակներում, օրինակ՝ վեբ կայքերի, խաղերի եւ Android օպերացիոն համակարգի համար հավելվածների ստեղծման գործընթացներում։ Այն համարվում է ամենաբարձր վարձատրվող մասնագիտություններից մեկը ծրագրավորման ոլորտում։

Առաջին փուլում մասնակիցները կսովորեն Java լեզվի հիմունքները եւ Java օբյեկտ կողմնորոշմամբ ծրագրավորման լեզվի հիմնական սկզբունքները: Դասընթացը կմեկնարկի ապրիլի 28-ին:

LINUX Essentials դասընթացի առաջին փուլում ստացած գիտելիքները կօգնեն ուսանողներին հասկանալ, թե ինչ է իրենից ներկայացնում Linux օպերացիոն համակարգը:

Դասընթացը կտրամադրի անհրաժեշտ հմտություններ Linux-ի հիմնական հասկացությունների եւ գործիքների մասին, ներառյալ Linux-ի հիմնական հրամանները, ինչպես նաեւ ցույց կտա Linux-ի եւ այլ հայտնի օպերացիոն համակարգերի տարբերությունները: Դասընթացը կմեկնարկի ապրիլի 27-ին:

Web Design (Adobe Photoshop & Adobe Illustrator) դասընթացի շրջանակներում մասնակիցները լիարժեք կտիրապետեն Adobe Photoshop & Adobe Illustrator ծրագրերին: Հիմնական ուղղությունը կլինի նշված ծրագրերի միջոցով մասնակիցներին գրաֆիկ դիզայնի հիմքային կոնցեպտները եւ դրանցով աշխատելու հմտությունները սովորեցնելը: Դասընթացը կմեկնարկի ապրիլի 23-ին:

Web Design (Web Programming for Web Designers) դասընթացը հիմնականում նախատեսված է գրաֆիկ դիզայներների hամար, որոնք ցանկանում են կատարելագործել իրենց գիտելիքները դիզայնի ասպարեզում՝ սովորելով նաեւ ծրագրավորման հիմուքները: Դասընթացը կմեկնարկի ապրիլի 28-ին:

Web Design (UI/UX) դասընթացը կգրավի գրաֆիկ դիզայներներին եւ ծրագրավորողներին, որոնք ցանկանում են ընդլայնել իրենց գիտելիքները օգտատիրոջ ինտերֆեյսի դիզայնի ասպարեզում: Դասընթացը կմեկնարկի մայիսի 2-ին:

Հավելենք, որ AITC կենտրոնը 2019թ. 825 շրջանավարտ է ունեցել, որոնց ավելի քան 80%-ը դասընթացներն ավարտելուց հետո նոր աշխատանք է ձեռք բերել։ Կենտրոնում այժմ ամենապահանջվածը Web Programming, Java Programming եւ Web Design ( Adobe Photoshop & Illustrator, Web Programming for Web Designers, UI/UX ) դասընթացներն են։